जेन ल कभू कहय नक्सलगढ़, आज विकास के पटरी म सरपट दऊड़

• बस्तर म होवत हे नवा उक्ती, खतम होईस विकास के इंतजार

छत्तीसगढ़ के दक्षिणी सीमावर्ती इलाका जेखर पहिचान कभु नक्सली मन के गढ़ के रूप म होत रिहीन, तेन ह अब तेजी ले विकास के गढ़ के रूप म अपन पहचान बनावत हे। बस्तर के कैनवास म अब एक नवा तस्वीर उभर के आगू आवत हे। ए राज्य के मुख्यमंत्री विष्णु देव साय के दूरदर्शी नेतृत्व अउ दृढ़-संकल्प के चलत संभव हो पाए हे। राज्य के घोर नक्सल प्रभावित जिला म विकास के नवा रेखा खींचावत हे। कभु पिछड़ापन अउ भय के पर्याय ल अपन तकदीर समझईया बस्तर के रहवासी मन बर आज विकास के नवा इबारत लिखे जात हे। विष्णु देव सरकार के जनहितैषी नीति, नक्सलवाद उन्मूलन अभियान अउ समग्र विकास ह ए क्षेत्र म सकारात्मक बदलाव ला के लोगन मन के जीवन म अंजोर लावत हे।

राज्य के सात घोर नक्सल प्रभावित जिला कांकेर, बस्तर, बीजापुर, सुकमा, दंतेवाड़ा अउ नारायणपुर जेन बस्तर संभाग म आथे अऊ एक अऊ जिला मोहला-मानपुर-अंबागढ़ चौकी जेन ह दुर्ग संभाग म आथे। इही जिला मन म पाछू के 15 महीना म नक्सल उन्मूलन अभियान अउ विकास के रणनीति ल समानांतर रूप ले लागू करत, छत्तीसगढ़ सरकार ह नक्सली मन के गोड़ उखाड़े म सफलता प्राप्त करे हे। मुख्यमंत्री के जनकल्याणकारी नीति अउ योजना के बदौलत अब आम जनता तेजी ले विकास के मुख्यधारा ले जुड़त हे। शासन-प्रशासन के सक्रियता, जनसंपर्क अउ योजना के प्रभावी क्रियान्वयन ले अब ए क्षेत्र म विश्वास अउ उम्मीद के नवा किरण दिखाई देत हे। ए जिला म सड़क, शिक्षा, स्वास्थ्य, पेयजल अउ बिजली जइसन मूलभूत सुविधा बड़ तेजी ले उपलब्ध कराए गे हे। योजना के लाभ पात्र हितग्राहि तक सुनिश्चित पहुंचाए के प्रयास घलो लगातार जारी हे।

मनरेगा, प्रधानमंत्री आवास योजना, पीएम जनमन, आयुष्मान भारत, पीएम किसान सम्मान निधि, उज्ज्वला योजना, आधार कार्ड अउ राशन कार्ड जइसन योजना ले न केवल ए क्षेत्र म सरकारी उपस्थिति मजबूत होए हे, भलकुन सामाजिक अउ आर्थिक स्तर म घलो आम जन के सशक्तिकरण होए हे। मनरेगा कोती ले 29,000 नवा जॉब कार्ड जारी करे गे हे, जेमा 5,000 कार्ड ‘‘नियद नेल्ला नार‘‘ योजना म संघरे गांव म बने हे। प्रधानमंत्री आवास योजना म सातों जिला म लगभग एक लाख आवास स्वीकृत होए हे, जेन लक्ष्य के 107 प्रतिशत हे। 15 महीन म नियद नेल्ला नार के गांव म 1100 आवास स्वीकृत होए हे, जेमा 300 प्रतिशत के वृद्धि दर्ज करे गे हे। आयुष्मान कार्ड के लाभार्थी मन के संख्या 19.24 लाख ले बाढ़ के 21.05 लाख हो गे हे। पीएम किसान सम्मान निधि योजना ले लाभान्वित मन के संख्या म 20.12 प्रतिशत के वृद्धि होए हे। प्रधानमंत्री उज्ज्वला योजना के लाभार्थी मन के संख्या 3.61 लाख ले अधिक हो गे हे।

छत्तीसगढ़ सरकार के पहल ले नक्सल प्रभावित जिला म 46 नवा सुरक्षा कैंप स्थापित करे गे हे, जेखर दायरा म अवइया 145 गांव म ‘नियद नेल्ला नार’ योजना चलाए जात हे। ए गांव म विशेष शिविर लगाके लोगन मन ल योजना के लाभ दिलाए के बीड़ा सरकार ह उठाए हे। नियद नेल्ला नार योजना के 124 गांव सड़क मार्ग ले जुड़ गे हे, बचे 31 म बुता सरलग चलत हे। 145 गांव म मार्च 2024 तक 122 स्कूल क्रियाशील रिहिन, जेन अब बाढ़ के 144 हो गे हे। विद्यार्थी मन के संख्या म 20 प्रतिशत के वृद्धि घलो होए हे। क्रियाशील आंगनबाड़ी केंद्र के संख्या 193 ले बढ़के 202 हो गे हे, अउ पंजीकृत लइका मन के संख्या म 30 प्रतिशत के इज़ाफा होए हे। विशेष केंद्रीय सहायता योजना कोती ले बस्तर, बीजापुर, दंतेवाड़ा, सुकमा, नारायणपुर, कांकेर, मोहला-मानपुर-अंबागढ़ चौकी जिला म 1302 कार्य योजना स्वीकृत करे गे हे, जेमा 308 बुता पुरोए जा चुके हे अउ 999 बुता प्रगति म हे।

वित्तीय वर्ष 2024-25 म 220 करोड़ रुपिया के राशि आबंटित करे गे रिहिस, जेमा 200 करोड़ रुपिया प्राप्त घलो हो गे हे अऊ शत्-प्रतिशत् राशि के व्यय करत आधारभूत संरचना, सुरक्षा, स्वास्थ्य, शिक्षा अउ कृषि संबंधी कार्य करे गिस। मुख्यमंत्री विष्णु देव साय के नेतृत्व म ए जम्मो बदलाव के केन्द्र बिन्दु प्रदेश सरकार के संवेदनशीलता, दूरदृष्टि अउ जनकेंद्रित दृष्टिकोण हे। छत्तीसगढ़ आज नक्सलवाद के विरुद्ध निर्णायक लड़ाई जीतत विकास के नवा कीर्तिमान स्थापित करे जात हे। घोर नक्सल प्रभावित क्षेत्र के ए परिवर्तन, प्रदेश के संकल्प शक्ति अउ जनसहभागिता के जीवंत उदाहरण हे।