- सारंगढ़ म गूंजिस देशभक्ति के नारा
- मंत्री टंक राम वर्मा के अगुवई म निकलिस भव्य तिरंगा यात्रा
रायपुर, देशभक्ति के भावना ला जन-जन तक पहुंचाय बर अउ स्वच्छता के प्रति जनचेतना ला अउ मजबूत बनाय बर तिरंगा रैली म नागरिक मन बढ़-चढ़ के हिस्सा लेत हें। उच्च शिक्षा मंत्री टंक राम वर्मा के अगुवई म आज सारंगढ़ म भव्य तिरंगा यात्रा के आयोजन होइस। भारत माता के पूजा-पाठ के बाद सुरू होये इहि यात्रा भारत माता चौक, नंदा चौक अउ अटल परिसर ले होते हुए रानी लक्ष्मी बाई कॉम्प्लेक्स पहुंच के पूरा होइस। यात्रा के बेरा म हजारो स्कूली लइका मन के ‘भारत माता की जय’ अउ ‘जय जवान, जय किसान’ के ओजस्वी नारा ले पूरा शहर देशभक्ति के रंग म रंग गे।
तिरंगा यात्रा के समापन म उच्च शिक्षा मंत्री टंक राम वर्मा ह नागरिक मन ले अपन-अपन घर म शान से तिरंगा फहराय के आह्वान करिन। उमन कहिन कि प्रधानमंत्री नरेंद्र मोदी के नेतृत्व म देश भर म तिरंगा यात्रा के आयोजन करे जात हे। तिरंगा हमार राष्ट्रीय स्वाभिमान हे, जेकर रक्षा बर लाखों देशभक्त मन अपन सब कुछ न्योछावर कर दीन। इकर चक्र हमार देश अउ प्रदेश के लगातार प्रगति के प्रतीक हे। जब बात तिरंगा के आथे, त हम सब जात-पात अउ धरम ले ऊपर उठ के एक हो जाथन। उमन झांसी के रानी, मंगल पांडे अउ भगत सिंह कस अमर बलिदानी मन ला नमन करत उनके पदचिन्ह म चल के प्रेरणा दीन।
कार्यक्रम म जिला पंचायत अध्यक्ष अउ उपाध्यक्ष, पूर्व विधायक केराबाई मनहर, पूर्व सैनिक मन, जनप्रतिनिधि, कलेक्टर, पुलिस अधीक्षक, मान-मानवइया नागरिक अउ भारी संख्या म स्कूली लइका मन उपस्थित रिहिन।
