- मुढ़ापार-धतूरा-कोरबी-खम्हरिया मार्ग के 4.40 किमी नवीनीकरण
- डीएमएफ ले 180.93 लाख रुपिया के लागत म होईस निरमान
- शिक्षा,स्वास्थ्य, खेती-किसानी अऊ ग्रामीण अर्थव्यवस्था ला मिलीस बड़ संबल
रायपुर, खदान प्रभावित इलाका मन के जम्मो विकास बर जिला खनिज संस्थान न्यास (डीएमएफ) निधि के बने उपयोग प्रदेश म बदलाव के नवा मिसाल बनत हे। कोरबा जिला म डीएमएफ ले बने मुढ़ापार-धतूरा-कोरबी-खम्हरिया सड़क ह बछर मन जुन्ना आवइ-जावइ के समस्या ला दूर करके हजारों ग्रामीण मन के जिनगी ला आसान बना दीस हे।
कलेक्टर कुणाल दुदावत के सुग्घर कार्ययोजना के तहत डीएमएफ मद ले 180.93 लाख रुपिया के लागत म 4.40 किलोमीटर लामी सड़क के नवीनीकरण अऊ सुदृढ़ीकरण (मजबूतीकरण) करे गीस। 15 अप्रैल 2026 कत क काम पूरा होए के बाद अब इलाका के किसान अऊग्रामीण मन ला बछर भर सुरक्षित अऊ सुगम आवइ-जावइ के सुबिधा मिलत हे।
पहिली बरसात के दिन म सड़क ह चिखला अऊ पानी भरे ले बुड़ जाय रीहिस, जेकर ले लइका मन के पढ़ाई, बीमार मन के इलाज, किसान मन के उपज ला ले जाए म अऊ ग्रामीण मन के रोज के काम-बूता म बाधा आवत रीहिस। अब सुग्घर सड़क संपर्क ले इस्कूल, अस्पताल अऊ बजार तक पहुंचना सहज होगे हे, संग च किसान भाई मन ला घलो अपन उपज ला समे म बजार पहुंचाए म सुबिधा मिलत हे।
ए सड़क ह सिरिफ आवइ-जावइ के रसता नई बने हे, बल्कि खदान प्रभावित गांव मन के सामाजिक अऊ आर्थिक विकास के नवा खंभा साबित होए हे। बने जुड़ाव ले सिख्षा, सुघरई, बइपार (व्यापार) अऊ आन जरूरी सेवा मन तक ग्रामीण मन के पहुंच बढ़े हे, जेकर ले इलाका म विकास के नवा गति दिखात हे।
ग्रामीण मन ह जिला प्रशासन अऊ डीएमएफ कोति अपन जोहार (आभार) जतावत कहिन कि बछर मन जुन्ना समसिया के निदान होए ले ओ मन के जिनगी म बड़ सुग्घर बदलाव आए हे। ए योजना ह ए बात के जीता-जागता उदाहरण हे कि डीएमएफ निधि के योजनाबद्ध अऊ जनहित म उपयोग खदान प्रभावित इलाका मन के विकास म कतेक बड़ भूमिका निभा सकत हे।
