रायपुर, छत्तीसगढ़ राज्य स्थापना दिवस के अवसर म 1 ले 3 नवंबर तक आयोजित होवइया छत्तीसगढ़ राज्योत्सव 2026 के तयारी ल ले के मुख्य सचिव विकासशील के अध्यक्षता म मंत्रालय महानदी भवन म राज्य स्तरीय समीक्षा बइठक होइस। बइठक म राज्योत्सव अउ राज्य अलंकरण समारोह के तयारी के समीक्षा करत सबो विभाग मन ल तय समय-सीमा म काम पूरा कराय के निदेस दीन गे हे। विभाग मन ल 22 अक्टूबर तक तयारी अउ प्रदर्शनी के जनकारी उपलब्ध कराय के कहे गीस।
मुख्य सचिव ह राज्योत्सव ल केंद्रीय थीम आधारित स्वरूप म आयोजित कराय के ऊपर जोर दीन। प्रदर्शनी म ईज ऑफ डूइंग बिजनेस, मानव पूंजी विकास, विकसित भारत अउ अंजोर छत्तीसगढ़ समेत भविष्य के दिसा अउ विकास ले जुड़े विषय मन ल मुख्य रूप ले रखे के निदेस दीन गे हे। राज्योत्सव के बेरा म अलग-अलग विभाग डहर ले 40 राज्य स्तरीय अलंकरण अउ पुरस्कार दे जाही। पुरस्कार चयन के प्रक्रिया घलो तय समय-सारणी के मुताबिक पूरा कराय के कहे गीस हे।
राज्य स्तरीय आयोजन नवा रायपुर अटल नगर के गांव तूता स्थित डॉ. श्यामा प्रसाद मुखर्जी उद्योग अउ व्यापार परिसर (मेला ग्राउंड) म प्रस्तावित हे। संस्कृति विभाग ल आयोजन के नोडल विभाग बनाय गे हे। CSIDC, NRDA अउ लोक निर्माण विभाग ल मेला स्थल के ले-आउट, स्टॉल आवंटन, विकास प्रदर्शनी, मुख्य मंच, डोम, पंडाल, बइठक अउ बैरिकेटिंग के जिम्मेदारी दी गे हे।
जनसंपर्क विभाग अउ चिप्स प्रचार-प्रसार तथा हाइटेक मीडिया सेंटर के व्यवस्था करहीं। नगर निगम रायपुर अउ NRDA नागरिक सुविधा, सिटी बस, पेयजल अउ साफ-सफाई के व्यवस्था संभालहीं। वोहिं जिला प्रशासन अउ पुलिस विभाग सुरक्षा, यातायात, पार्किंग अउ अग्निशमन व्यवस्था सुनिस्चित करहीं। स्वास्थ अउ ऊर्जा विभाग ल चिकित्सा, एंबुलेंस अउ निर्बाध बिजली सप्लाई के जिम्मेदारी दी गे हे।
बइठक म वन अउ जलवायु परिवर्तन, पंचायत, गृह अउ जेल, नगरीय प्रशासन, महिला अउ बाल विकास, लोक निर्माण, स्कूल शिक्षा, पर्यटन अउ संस्कृति, कौशल विकास, सूचना प्रौद्योगिकी, खेल अउ युवा कल्याण, आदिम जाति विकास, श्रम, ग्रामोद्योग अउ ऊर्जा विभाग समेत अलग-अलग विभाग के सीनियर अधिकारी मन उपस्थित रिहिन।
