गरिब-जरूरतमंद मन के अपन पक्का मकान के सपना होवत हे पूरा, कवर्धा के 25 हितग्राही मन ला मिलिस पीएम आवास
रायपुर: उप मुख्यमंत्री विजय शर्मा ह आज कबीरधाम जिला के नगर पालिका परिषद कवर्धा के तहत प्रधानमंत्री आवास योजना शहरी 2.0 के तहत शहर के 25 हितग्राही मन ला मकान बनाए बर स्वीकृति पत्र बांटीन। ए अउसर मा उप मुख्यमंत्री विजय शर्मा ह कहिन कि सरकार के लछन सिरिफ मकान बनाना नई हे, भलुक हर जरूरतमंद परिवार ला मान-सम्मान, सुरूछित अउ सुघर जिनगी के बुनियादी सुविधा देवाए के हे। ओमन कहिन कि प्रधानमंत्री आवास योजना ह गरिब अउ जरूरतमंद परिवार मन के जिनगी मा बड़े बदलाव लावत हे। सरकार ह ए बात ला तय करे मा पूरा निष्ठा के संग लगे हे कि कोनो घलो पात्र परिवार ए योजना के लाभ ले वंचित जनि रहय।
शर्मा ह कहिन कि हर मउग-मानुस के सपना होथे कि ओकर अपन एक ठन पक्का घर होवय, जिहां ओकर परिवार सुरूछित अउ मान-सम्मान के संग रह सकय। सरकार ए सपना ला पूरा करे बर संकल्प लेके काम करत हे। उप मुख्यमंत्री ह कहिन कि प्रधानमंत्री आवास योजना शहरी 2.0 के माध्यम ले कवर्धा शहर के पात्र परिवार मन ला घलो आवास के सुविधा के लाभ दिया जाय जात हे।
प्रधानमंत्री आवास योजना शहरी 2.0 के तहत स्वीकृति पत्र पाए वाले हितग्राही मन मा मीना बाई देवांगन, धर्मेन्द्र कुमार चन्द्रवंशी, द्रोपती देवांगन, मीना बाई, योगेश चन्द्रवंशी, बुधेलाल निषाद, साहिदा खातून, प्रमोद साहू, द्वारिका चन्द्रवंशी, लक्ष्मी चन्द्रवंशी, परमानंद साहू, कमलेश चन्द्रवंशी, मुकेश चन्द्रवंशी, राजबाई सत्यवंशी, सकुन निषाद, अमिता केशरवानी, विमलेश कुम्भकार, पुनीता बाई भारती, सीता देवांगन, अजय सिंह ठाकुर, संजय यादव, मन्नू सिंह चौहान, ओमनाथ योगी, स्वेता देवी पाण्डे अउ भुखन लाल कौशिक शामिल हवयं। ए अउसर मा हितग्राही मन ह उप मुख्यमंत्री विजय शर्मा के आभार जतावत कहिन कि ओमन भारी दिन ले अपन पक्का घर के सपना देखत राहिन, अउ अब स्वीकृति पत्र मिले ले ओकर सपना पूरा होए के राह मा आगू बढ़त हे।
ए अउसर मा नगर पालिका अध्यक्ष चंद्र प्रकाश चंद्रवंशी, पार्षद अजय ठाकुर, बिहारी धुर्वे, सौखी अहीरवार, सुनील साहू, केशरीचंद सोनी, हरीश कुंभकार, एल्डरमेन राजेंद्र सलूजा, शिवकुमार यादव, रवि राजपूत, गोलू यादव संग अउ कई ठन जनप्रतिनिधि उपस्थित राहिन।
