श्रम मंत्री लखन लाल देवांगन ह शॉल, श्रीफल अउ सुरता चिन्ह (स्मृति चिन्ह) भेंट करके दीन बधाई अउ सुभकामना
रायपुर, राज्य सरकार के सेवा म लंबा समे तक अपन योगदान देय के बाद, नौकरी के उम्मर पूरा करके रिटायर (सेवानिवृत्त) होय तीन अधिकारी-कर्मचारी मन के सम्मान म आज मंत्रालय महानदी भवन म बिदाई सम्मान समारोह रखे गिस। वाणिज्य, उद्योग अउ श्रम मंत्री लखन लाल देवांगन ह रिटायर होय अधिकारी-कर्मचारी मन ला शॉल, श्रीफल अउ सुरता चिन्ह भेंट करके सम्मानित करिन अउ ओमन के अच्छे सुग्घर स्वास्थ्य अउ उज्वला भविष्य के कामना करिन।
रिटायर होयइया मन म श्रम विभाग के अवर सचिव कीर्तिवर्धन उपाध्याय, गृह विभाग के स्टाफ ऑफिसर राजेश हीरा अउ स्कूल शिक्षा विभाग के दफ्तरी चैनसिंह सामिल हें। ए मउका म मंत्री लखन लाल देवांगन ह कहिन कि ईमानदारी, निरत (कर्तव्यनिष्ठा) अउ समरपन के साथ करे गिस सरकारी सेवा सदा दिन प्रेरणा देथे। हर एक अधिकारी अउ कर्मचारी के योगदान ह सरकार-प्रसासन ला मजबूत बनाय म बड़े महत्व रखथे। ओमन जम्मो रिटायर होय अधिकारी-कर्मचारी मन के नीक-नांग, सुखद अउ सम्मानभरे जिंदगी अउ आगू के सुग्घर भविष्य बर सुभकामना दीन। ए समारोह म मंत्रालय के अधिकारी-कर्मचारी मन बड़े संख्या म जुड़े रहिन।
