- प्रधानमंत्री नरेंद्र मोदी के अभियान ला मिलिस बड़े सफलता, मुख्यमंत्री विष्णु देव साय के जनस्वास्थ्य संकलप ला मिलिस बल
- 90 प्रतिशत लछ (लक्ष्य) पूरा, अब सौ-प्रतिशत टीकाकरण म बिसेस जोर
रायपुर, प्रधानमंत्री नरेंद्र मोदी द्वारा 28 फरवरी 2026 ला सुरू करे गे राष्ट्रव्यापी निःशुल्क एचपीवी (ह्यूमन पैपिलोमा वायरस) टीकाकरण अभियान म छत्तीसगढ़ के बलरामपुर-रामानुजगंज जिला ह अब्बड़ बड़े उपलब्धि हासिल करत प्रदेश म पहिली स्थान पाए हे। माईलोगन (महिलाओं) मन ला आगू चल के गर्भाशय ग्रीवा (सर्वाइकल) कैंसर जइसन गंभीर बीमारी से सुरक्षित रखे के उद्देश्य से चलाए जात ए अभियान म जिला ह 8,785 लछ आबादी के बिरुद्ध 7,931 लइका (बालिकाओं) मन के टीकाकरण करके 90 प्रतिशत उपलब्धि दरज करे हे।
मुख्यमंत्री विष्णु देव साय के अगवाई (नेतृत्व) म राज सरकार जनस्वास्थ्य सेवा मन ला मजबूत करे अउ दाई-लइका (मातृ एवं बाल) स्वास्थ्य ला सबले पहिली सुध (सर्वोच्च प्राथमिकता) देवत हुए अलग-अलग स्वास्थ्य अभियान मन के सुघ्घर संचालन सुनिसचित करत हे। एही संकलप के तहत बलरामपुर-रामानुजगंज जिला ह एचपीवी टीकाकरण अभियान म बने काम करत प्रदेश म सबले आगू स्थान हासिल करे हे।
कलेक्टर चंदन संजय त्रिपाठी के देख-रेख (मार्गदर्शन) म स्वास्थ्य विभाग, महिला एवं बाल विकास विभाग, शिक्षा विभाग अउ मैदानी अमला के जुरमिल के करे गे प्रयास मन से अभियान ला बड़े पइमाना म मनखे मन के साथ (जनसहभागिता) मिलिस। दूर-दराज अउ जनजातीय इलाका मन तक पहुंच बना के जोग (पात्र)लइका मन के टीकाकरण सुनिसचित करे गिस।
कलेक्टर चंदन संजय त्रिपाठी ह ए उपलब्धि म जम्मो संबधित अधिकारी-कर्मचारी मन ला बधाई देवत हुए सौ-प्रतिशत एचपीवी टीकाकरण सुनिसचित करे बर छूटे हुए एक-एक जोग लइका मन तक पहुंच बनाए के देस (निर्देश) दारी करे हें।
दूर-दराज अउ जनजातीय इलाका वाले बलरामपुर-रामानुजगंज जिला आज राष्ट्रीय स्वास्थ्य कार्यक्रम मन के सुघ्घर संचालन के एक मिसाल बनके आघू आए हे। मुख्यमंत्री विष्णु देव साय के जनकल्याणकारी विजन, मजबूत प्रशासनिक नेतृत्व, विभागीय तालमेल अउ जनसहभागिता से ओखड़-बोखड़ (कठिन) भौगोलिक परिस्थति मन म घलो अब्बड़ बने परिणाम मिले जावत हे।
