रायपुर। मुख्यमंत्री साय ह के नेतृत्व म छत्तीसगढ़ सरकार द्वारा श्रमिक अउ परिजन मन के बेहतरी बर कई योजना संचालित करे जात हे। ए योजना के माध्यम ले श्रमिका के सामाजिक अउ आर्थिक स्थिति के उत्थान बर लगातार ओमन आर्थिक मदद दे जात हे। इही सिलसिला म आज विश्वकर्मा जयंती के अवसर म राजधानी रायपुर के इंडोर स्टेडियम म आयोजित श्रमिक महासम्मेलन म मुख्यमंत्री ह दीदी ई-रिक्शा चालक भुनेश्वरी साहू अउ मनोज साहू ले संवाद करिन।
मुख्यमंत्री साय ह रेजा श्रमिक भुनेश्वरी उखर जीवन यापन के संबंध म जब पूछिस त मोवा रायपुर निवासी भुनेश्वरी ह बतायिन कि वो पहली रेजा कुली के काम करत रीहिन। इही बेर ओमन ह दीदी ई-रिक्शा सहायता योजना के बारे म जानकारी मिलिस। अब वह ई-रिक्शा चलाके अपन परिवार के पालन पोषण अउ लइकामन के परिवरिश ठीक ले करत हे। भुनेश्वरी ह बतायिन कि उखर लइका के पढ़ाई-लिखाई घलो अच्छा चलत हे। ओमन सरकार के ए महती योजना बर मुख्यमंत्री साय के प्रति धन्यवाद ज्ञापित करिन।
इही प्रकार राजनांदगांव जिला के छुरिया विकासखंड के मनोज कुमार साहू ह मुख्यमंत्री ले संवाद करत हुए कहिन कि मोर दो नोनी हे। बड़ी बेटी भूमिका साहू कक्षा 10 वीं के टॉप 10 म अपन स्थान बनायिन हे। श्रम विभाग द्वारा संचालित योजना ले मुख्यमंत्री नोनी बाबू मेधावी शिक्षा सहायता योजना के लाभ मिलय जेखर अंतर्गत 1 लाख रूपया अउ स्कूटी बर अलग ले सहायता राशि मिलिस। एखर बर म प्रदेश के मुखिया विष्णु देव साय अउ श्रम मंत्री लखन लाल देवांगन के प्रति हृदय ले धन्यवाद प्रकट करत हों।
