रायपुर। मुख्यमंत्री विष्णु देव साय ह आज राजिम म नवा रेल सेवा के शुभारंभ करिन। ओमन ह क्षेत्र के लोगन के आवागमन सुविधा म वृद्धि करत राजिम ले रायपुर बर नवा मेमू ट्रेन सेवा ल हरी झंडी दिखाके रवाना करिन। ए अवसर म ओमन राजिम-रायपुर-राजिम मेमू नवा ट्रेन सेवा अउ रायपुर-अभनपुर 2 मेमू रेल सेवा के राजिम तक विस्तार घलो प्रारंभ करिन। भारी संख्या म यात्री ए अवसर म ट्रेन म सवार होइस अउ उत्साहपूर्वक रायपुर के कोती रवाना होइस। सस्ती अउ सुलभ नवा रेल सुविधा मिले ले पूरा क्षेत्र म हर्ष अउ उल्लास के वातावरण रहिन।
मुख्यमंत्री साय ह कहिन कि ए नवा रेल सेवा ले राजिम सहित गरियाबंद अउ देवभोग क्षेत्र के लोगन के घलो राजधानी रायपुर तक सस्ती अउ किफायती यात्रा के विकल्प प्राप्त होहि। विद्यार्थी, नौकरीपेशा वर्ग अउ व्यापारी वर्ग सहित जम्मों बर ए ट्रेन अत्यंत उपयोगी सिद्ध होही। ओमन कहिन कि छत्तीसगढ़ के प्रयाग, राजिम अब रेल नेटवर्क ले जुड़ गे हे। ग्रामीण अंचल ले राजधानी रायपुर के आवागमन अब अउ अधिक सुगम, सुविधाजनक अउ किफायती बन गे हे।
मुख्यमंत्री साय ह कहिन कि हमर छत्तीसगढ़ म प्रधानमंत्री नरेंद्र मोदी के आशीर्वाद ले लगातार 19 महीना ले विकास के गति निरंतर अग्रसर हे। मुख्यमंत्री ह कहिन कि रेलवे इंफ्रास्ट्रक्चर म तेजी ले होत निवेश अवइया पीढ़ियां बर नया भविष्य गढ़ही। ओमन ह बतायिन कि लगभग आठ बछर पूर्व धमतरी ले रायपुर तक नैरोगेज ट्रेन चलत रीहिन अउ अब आठ बछर के अंतराल के बाद इहां ब्रॉडगेज ट्रेन सुविधा उपलब्ध होए हे। एखर बर ओमन ह पूरा छत्तीसगढ़ के जनता के ओर ले प्रधानमंत्री नरेंद्र मोदी के प्रति आभार व्यक्त करिन।
मुख्यमंत्री साय ह कहिन कि वर्तमान म छत्तीसगढ़ म रेलवे के लगभग 45,000 करोड़ रुपया के परियोजना संचालित होत हे। वित्त वर्ष 2025-26 के बजट म लगभग 7,000 करोड़ रुपया के प्रावधान करे गिस हे, जेखर ले प्रदेश म रेल सेवा के तीव्र विस्तार अउ विकास सुनिश्चित होत हे।
