रायपुर। मुख्यमंत्री विष्णु देव साय के अध्यक्षता म आज इहां सिविल लाईन स्थित उखर निवास कार्यालय म आयोजित कैबिनेट के बैठक म अनेक महत्वपूर्ण निर्णय लेए गिस –
1 मंत्रिपरिषद ह अनुसूचित जनजाति अउ अनुसूचित जाति सूची म तकनीकी कारण ले शामिल होए ले वंचित जाति ल प्राप्त होवइया कतिपय सुविधा के संबंध म महत्वपूर्ण निर्णय लेवत डिहारी कोरवा, बघेल क्षत्री, संसारी उरांव अउ पबिया, पविया, पवीया समाज के विद्यार्थी ल अनुसूचित जनजाति के समतुल्य अउ डोमरा जाति के विद्यार्थी मन ल अनुसूचित जाति के समतुल्य राज्य मद ले मात्र राज्य छात्रवृत्ति अउ शिष्यवृत्ति प्रदान करे जाए बर अउ छात्रावास-आश्रम म स्वीकृत सीट के अधीन प्रवेश देय जाए के सुविधा प्रदान करे के सहमति दिन हे।
2 मंत्रिपरिषद ह छत्तीसगढ़ म अक्षय ऊर्जा ल बढ़ावा देय बर अउ बिजली उपभोक्ता मन ल आर्थिक लाभ पहुँचाए बर प्रधानमंत्री सूर्यघर मुफ्त बिजली योजना अंतर्गत घर के छत म सोलर रूफटॉप संयंत्र के स्थापना म राज्य शासन द्वारा उपभोक्ता मन ल वित्तीय सहायता देए जाए के महत्वपूर्ण निर्णय लिन हे।
3 मंत्रिपरिषद ह राज्य म वन्यजीव, खासकर बाघ के संरक्षण अउ ईको-पर्यटन ल बढ़ावा देए बर महत्वपूर्ण पहल करत ‘‘छत्तीसगढ़ टाइगर फाउंडेशन सोसायटी‘‘ के गठन करे के निर्णय लिन हे। ए सोसायटी वन्यप्राणी संरक्षण अधिनियम, 1972 के तहत काम करहि। मध्य प्रदेश म ए 1996 ले संचालित हे। एखर मुख्य लक्ष्य छत्तीसगढ़ म लगातार घटत बाघ के आबादी (फिलहाल लगभग 18-20) ल बचाना हे। ए संस्था स्व-वित्तपोषित होहि, जेखर ले सरकारी खजाना म कोनो अतिरिक्त बोझ नहीं पड़हि। ए सहयोग देवइया व्यक्ति अउ संस्था ले फंड जुटाहि। ए छत्तीसगढ़ म वन्यजीव संरक्षण के क्षेत्र म एक मील के पत्थर साबित होहि, जेन ह जैव विविधता के रक्षा के संग- संग ईको-टूरिज्म ल घलो मजबूत आधार दिहि।
4 मंत्रिपरिषद ह अशासकीय अनुदान प्राप्त शिक्षण संस्था ‘‘रामकृष्ण मिशन आश्रम नारायणपुर के सहयोगी संस्था ‘‘विवेकानंद इंस्टीट्यूट ऑफ सोशल हेल्थ वेलफेयर अउ सेवा, छत्तीसगढ़ (विश्वास)‘‘ ल रामकृष्ण मिशन आश्रम नारायणपुर म अंतर्भूत (मर्ज) करे के अनुमोदन करे गिस।
5 उद्यानिकी महाविद्यालय (उद्यानिकी विश्वविद्यालय) के स्थापना बर बेमेतरा जिले के साजा तहसील अंतर्गत बेलगांव म राजगामी संपदा के 94.290 हेक्टेयर भूमि ले 100 एकड़ भूमि उद्यानिकी विभाग ल निःशुल्क प्रदान करे के निर्णय लेय गिस।
6 जशपुर जिला म महिला स्व-सहायता समूह द्वारा हर्बल अउ महुआ चाय जइसन पारंपरिक उत्पाद ‘JashPure’ ब्रांड के तहत तैयार करे जात हे। ए उत्पाद ल व्यापक बाजार उपलब्ध कराए अउ विपणन ल बढ़ावा देय बर ए ब्रांड ल राज्य शासन अउ CSIDC ल हस्तांतरित करे के प्रस्ताव के मंत्री परिषद ह अनुमोदन करिन हे।
7 मंत्रिपरिषद द्वारा शहीद पुलिसकर्मी के सर्वच्च बलिदान ल ध्यान म रखत अनुकम्पा नियुक्ति बर जारी एकजाई पुनरीक्षित निर्देश-2013 के कंडिका 13 (3) म संशोधन करत निर्णय लिन हे कि – नक्सली हिंसा म शहीद पुलिस सेवक के प्रकरण म उखर परिवार के कोनो भी पात्र सदस्य (महिला या पुरूष) ल विकल्प के आधार म पुलिस विभाग के अलावा, किसी अन्य विभाग म, राज्य के कोनो भी जिला, संभाग म अनुकम्पा नियुक्ति देय जा सकहि। पहली अनुकम्पा नियुक्ति यथासंभव उही विभाग या कार्यालय म देय के व्यवस्था रीहिन, जेमा दिवंगत शासकीय सेवक निधन के पूर्व कार्यरत रीहिन।
8 मंत्रिपरिषद ह छत्तीसगढ़ राज्य म गौण खनिज के सुव्यवस्थित अन्वेषण, पूर्वेक्षण अउ अधोसंरचना के विकास बर महत्वपूर्ण निर्णय लेवत ‘‘स्टेट मिनरल एक्सप्लोरेशन ट्रस्ट‘‘ (एसएमईटी) के गठन के अधिसूचना के प्रारूप के अनुमोदन करे गिस।
