रायपुर, रक्षाबंधन के पावन तिहार मा लोक भवन मा भारी आत्मीय माहौल देखे बर मिलिस। प्रजापिता ब्रह्माकुमारी के बहिनी मन, एसओएस चिल्ड्रेंस विलेजेस इंडिया के लईका मन, अऊ स्काउट-गाइड ले जुड़े लईका अऊ गुरुजी मन ह राज्यपाल रमेन डेका ला राखी बांध के रक्षाबंधन के तिहार मनाईन।
राज्यपाल रमेन डेका ह जम्मो जन के मया अऊ सुभकामना बर आभार मानिन। ओमन जम्मो जन ला रक्षाबंधन के सुभकामना देत हुए ओकर मन के सुख, शांति, समृद्धि अऊ उज्ज्वल भविष्य के कामना करिन।
ए मौका मा पहिली माई-लोगिन (प्रथम महिला) रानी डेका काकोटी घलो उपस्थित रहिन।
