संगीत विश्वविद्यालय खैरागढ़ के लइका मन ला मिलही सुविधा
रायपुर. राज्यपाल रमेन डेका ह आज लोकभवन मा इंदिरा कला संगीत विश्वविद्यालय खैरागढ़ के नवा बस ला हरियर झंडी दिखा के रवाना करिन। ए पहल ह पढ़इया लइका अउ स्टाफ मन बर आवाजाही ला अउ बढ़िया बनाय के उदेश्य ले करे गे हे।
ए गाड़ी के माध्यम ले विश्वविद्यालय के लइका मन ला कला, संगीत अउ सांस्कृतिक प्रस्तुति बर अलग-अलग जगह जाय-आए मा सुविधा होही। एखर ले लइका मन ला अपन प्रतिभा देखाए बर अउ बढ़िया मौका मिलही। ए कदम ह विश्वविद्यालय ला बढ़िया ढंग ले चलाय अउ लइका मन के यात्रा ला असान बनाय बर उठाय गे हे।
राज्यपाल श्री डेका ह गाड़ी के सही उपयोग, बखत-बखत मा ओखर देख-रेख अउ लइका मन के हित मा बढ़िया परयोग करे बर जोर दिन। ओमन कहिन कि अइसन साधन ले संस्थान के पढ़ाई-लिखाई अउ सांस्कृतिक काम-काज ला नवा गती मिलथे।
ए मौका मा विश्वविद्यालय के कुलपति डॉ. लवली शर्मा संग अउ आन अधिकारी मन घलो उपस्थित रहिन।
