रायपुर। छत्तीसगढ़ देश के डिजिटल परिदृश्य म बड़का कदम रखे बर जात हे। रायपुर म अत्याधुनिक आर्टिफिशियल इंटेलिजेंस आधारित डेटा सेंटर स्थापित करे बर टेक्नोलॉजी कंपनी ESDS Software Solution Ltd ह 600 करोड़ रुपया ले ज्यादा के निवेश के प्रस्ताव मुख्यमंत्री विष्णुदेव साय के समक्ष प्रस्तुत करिन हे।
मुख्यमंत्री ले नवा दिल्ली स्थित छत्तीसगढ़ सदन म मुलाकात के बेर कंपनी के चेयरमैन पीयूष सोमानी अउ उपाध्यक्ष लोकेश शर्मा ह कहिन कि ए सेंटर न केवल छत्तीसगढ़, बल्कि पूरा भारत के डिजिटल भविष्य ल गति देहि। ए प्रस्ताव के माध्यम ले छत्तीसगढ़ ल AI, क्लाउड टेक्नोलॉजी, साइबर सिक्योरिटी अउ डिजिटल स्टोरेज के क्षेत्र म अग्रणी राज्य बनाए के दिशा म ठोस पहल होहि।
मुख्यमंत्री विष्णुदेव साय ह ए प्रस्ताव के स्वागत करत कहिन, “डिजिटल इंडिया के भावना ल छत्तीसगढ़ म धरातल म उतारे बर ए निवेश मील के पत्थर साबित होहि। सरकार हरसंभव सहायता देही, ताकि ए परियोजना जल्द से जल्द मूर्तरूप ले।”
ESDS के ए पहल छत्तीसगढ़ ल एक टेक्नोलॉजी हब बनाए के संग- संग युवा मन बर उच्च स्तरीय रोजगार के नवा अवसर घलो पैदा करहि। यह सेंटर राज्य के IT इकोसिस्टम ल मजबूती देहि अउ डिजिटल आत्मनिर्भरता के तरफ एक बड़ा कदम होहि। ए अवसर म मुख्यमंत्री के प्रमुख सचिव सुबोध सिंह नवा दिल्ली म छत्तीसगढ़ के इनवेस्टमेंट कमिश्नर ऋतु सेन घलो उपस्थित रीहिन।
