रायपुर। मुख्यमंत्री विष्णु देव साय ह आज सुकमा जिले के विकासखंड तोंगापाल म आयोजित शिविर म अचानक पहुंचिन। अपन मुख्या के ए तरह अचानक पहुंचे ल ग्रामीण मन म अत्यंत उत्साह के संचार होइन। वो मन मुख्यमंत्री ल अपन बीच पाके पारंपरिक नृत्य करत अपन खुशी के इजहार करिन। मुख्यमंत्री समाधान शिविर म लोगन ले योजना के फीडबैक लेके 16 करोड़ 25 लाख ले ज्यादा के विकास कार्य के लोकार्पण करिन।
ओमन ह कुकानार ले बढ़ाईपारा 4.80 किमी सड़क निर्माण बर 4 करोड़ 03 लाख 73 हजार, एल 53 चिंतलनार ले किस्टारम 4.50 किमी सड़क बर 01 करोड़ 52 लाख 41 हजार, एल 80 बुरकापाल ले तोकनपल्ली 3.86 किमी सड़क बर 01 करोड़ 24लाख 61 हजार, एल 67 मुकरम ले तोंगपल्ली 5 किमी सड़क बर 01 करोड़ 24लाख 13 हजार के लागत ले निर्माण कार्य करे गे हे। एखर अलावा गादीरास ले मानकापाल 12 किमी सड़क, 13 नग पुल पुलिया निर्माण बर 6 करोड़ 86 लाख 15 हजार, सुकमा दंतेवाड़ा 23 किमी ले कासरगुड़ा 2 किमी सड़क निर्माण कार्य बर 01 करोड़ 34 लाख के लागत ले निर्माण करे गिस।
ए अवसर म मुख्यमंत्री के प्रमुख सचिव सुबोध सिंह, मुख्ममंत्री के सचिव डॉ बसव राजू एस, कलेक्टर देवेश ध्रुव, पुलिस अधीक्षक किरण चौहान सहित अन्य जनप्रतिनिधि अउ अधिकारीगण उपस्थित रीहिन।
