राज्यपाल ह पूर्व प्रधानमंत्री अटल बिहारी बाजपेयी के जयंती म करिन नमन

रायपुर। राज्यपाल रमेन डेका ह भारत के पूर्व प्रधानमंत्री  भारत रत्न  अटल बिहारी बाजपेयी के जयंती के अवसर म ओमन ल नमन करिन। डेका ह कहिन कि अटल बिहारी बाजपेयी भारतीय राजनीति के अइसे व्यक्तित्व रहिन, जेमन ह अपन विचार, वाणी अउ आचरण ले लोकतांत्रिक मूल्य ल नवा ऊँचाई दिन। वो एक कुशल राजनेता होए के संग- संग प्रभावशाली वक्ता, संवेदनशील लेखक अउ बहुआयामी प्रतिभा के धनी जननायक रहिन।
    राज्यपाल ह कहिन कि अटल बिहारी बाजपेयी के जयंती ल सुशासन दिवस के रूप म मनाए जाना उखर दूरदर्शी नेतृत्व अउ प्रशासनिक मूल्य के प्रतीक हे। सुशासन दिवस के शुभकामना देत राज्यपाल ह कहिन कि श्रद्धेय अटल के आदर्श, ईमानदारी, राष्ट्रहित अउ जनसेवा के उखर प्रतिबद्धता आज भी हमर बर मार्गदर्शक हें। ओमन ह नागरिक मन ले ए आदर्श ल अपन जीवन म आत्मसात करे के आह्वान करिन।