रायपुर। छत्तीसगढ़ी यूट्यूब के दुनिया ले अभिनय के मैदान म कदम रखत पकलू 85 उर्फ संत नायक अब बड़े पर्दा म नजर आहि। उखर पहली फिल्म ‘तोर संग मया लागे’ जल्द रिलीज होवइया हे। निर्देशन अउ गीत-संगीत के जिम्मा संभाले हे उत्तम तिवारी ह। ‘मिस्टर मजनू’ अउ ‘गांव के जीरो सहर के हीरो’ जइसन फ्लॉप फिल्म के बाद वो अब यूट्यूबर के लोकप्रियता के सहारा वापसी के कोशिश म हे।
संत नायक यानी पकलू 85 के यूट्यूब चैनल के 4.22 लाख सब्सक्राइबर हे। लिहाजा निर्देशक के ए फैसला एक ‘सेफ गेम’ के तरह देखे जात हे। बॉक्स ऑफिस म अच्छी ओपनिंग हो सकत हे।
फिल्म के ट्रेलर सामने आ चुके हे। हालांकि वो अतना प्रभावशाली नहीं कि ‘बंपर ओपनिंग’ के गारंटी दे जा सके, लेकिन छत्तीसगढ़ी सिनेमा म पहली दिन के पहला शो कई बार सारा अनुमान गलत साबित कर देथे।
अब अइसे म सवाल उठथे कि का ‘पकलू 85’ दर्शक मन के दिल म उतर पाहि? अउ का उत्तम तिवारी फेर ले अपन खोए लय हासिल कर पाहि? अउ का ‘तोर संग मया लागे’ छत्तीसगढ़ी फिल्म इंडस्ट्री ल नवा दिशा दे पाहि?