जनसेवा के नवा जरिया बनिस सुशासन तिहार-2025

रायपुर। पूरा छत्तीसगढ़ म ए दिन सुशासन तिहार-2025 के गूंज हे, जेमा बेमेतरा जिला घलो सक्रिय भागीदारी निभात हे। ए अभियान के उद्देश्य आम जनता के समस्या के समयबद्ध अउ गुणवत्तापूर्ण समाधान करत शासन-प्रशासन ल जन-जन तक पहुंचाना हे। जिला म 5 मई ले शुरू होइस समाधान शिविर के आयोजन 31 मई 2025 तक करे जात हे। एखर अलावा शिविर म ग्रामीण मन के ब्लड प्रेशर, सुगर  आदि स्वास्थ्य के जांच घलो करे जात हे। जरूरत मंद  पीड़ित ल जरूरी उपचार  कर निशुल्क दवाइयां दे जात हे।
 सुशासन तिहार की पहिली चरण 8 ले 11 अप्रैल के बीच सम्पन्न होइस, जेमा विशेष तैयारी के तहत बेमेतरा जिला म जिला कार्यालय, एसडीएम कार्यालय, तहसील कार्यालय, जनपद पंचायतों, नगरीय निकायों अउ ग्राम पंचायतों म समाधान पेटियां स्थापित करे गिन। ए पेटी के माध्यम ले जनता ले कुल 1,40,780 आवेदन प्राप्त होइस, जेमा मांग, शिकायत अउ समस्या दर्ज रीहिन। शासन के मंशा रीहिन कि ए आवेदन के निराकरण गुणवत्तापूर्ण तरीका ले करे गिन । एमा ले केवल 3022 आवेदन शिकायत ले संबंधित रीहिन, जबकि बाकी मांग अउ समस्या म केंद्रित रीहिन।
 दूसर चरण म ए आवेदन के निराकरण एक माह के भीतर करे के लक्ष्य रखे गिन, जेन पूरा कर ले गिस। मुख्यमंत्री, उपमुख्यमंत्री, प्रभारी मंत्रीगण, मुख्य सचिव अउ वरिष्ठ अधिकारी मन द्वारा ए शिविर के औचक निरीक्षण करे जात हे ताकि कार्य के पारदर्शिता अउ गुणवत्ता बने रहे। शिविर  म गुणवत्तापूर्ण निराकरण की जानकारी संबंधित विभाग के अधिकारी देत हे।
 इही क्रम म समाधान शिविर के दूसर दिन ही बीते 6 मई ल जिला के विकास खंड साजा के ग्राम सहसपुर म मुख्य मंत्री  विष्णुदेव साय  ह औचक निरीक्षण करिन। मुख्यमंत्री ह बरगद के छांव म खाट म बैठ जाना ग्रामीण मन के हाल-चाल, विद्युत सब स्टेशन, हायर सेकंडरी स्कूल भवन अउ प्राचीन मंदिर के सौंदर्यीकरण के घोषणा करिन
 अब तीसरा चरण म 5 मई ले 31 मई तक जिला म कुल 64 समाधान शिविर आयोजित करे जात हे, जेमा नगरीय क्षेत्र के 37 अउ ग्रामीण क्षेत्र के 27 शिविर शामिल हे। ए शिविर म न सिर्फ जनसमस्या के समाधान करे जात हे, बल्कि जनकल्याणकारी योजना के जानकारी घलो दे जात हे। संग हितग्राहीमूलक योजना के फॉर्म घलो वितरित करे जात हे, ताकि ज्यादा ले ज्यादा लोगन सरकारी योजना के लाभ उठा सकय।
   ए अभियान न केवल समस्या के समाधान तक सीमित हे, बल्कि ये सुशासन के संस्कृति ल गांव-गांव अउ घर-घर तक पहुंचे के प्रयास हे। आम जनता ल शासन के योजना अउ सुविधा के जानकारी मिलत हे, अउ उखर शिकायत के समयबद्ध निराकरण करे जात हे। एखर ले जनता अउ प्रशासन के बीच के दूरी कम होए हे अउ भरोसा मजबूत होए हे। बेमेतरा म चलत समाधान शिविर निश्चित रूप ले छत्तीसगढ़ म जनसेवा के नवा अध्याय लिखत हे।