रायपुर। मुख्यमंत्री विष्णुदेव साय ले जनदर्शन म अपन समस्या लान बड़े संख्या म लोग मन पहुंचत हवंय। मुख्यमंत्री सबो मन ले बड़े आत्मीयता ले भेंट करत हवंय अऊ ओकर समस्या मन के समाधान करत हवंय। एही क्रम म रायपुर के 60 बछर के अविवाहित मजूर हनुमंत राव मुख्यमंत्री ले भेंट करके बताइस कि ओकर पास राशन कार्ड नई हे, जेन कारण ओकर शासकीय योजना मन के लाभ नई मिलत हे। मुख्यमंत्री तुरंत राव के राशन कार्ड बनाय के निर्देश अधिकारी मन ला दिए।
हनुमंत राव मुख्यमंत्री ला बताइस कि वो राजधानी रायपुर के तात्यापारा वार्ड म लगभग 60 बछर ले रहत हवंय। पहिली ओकर माता-पिता के राशन कार्ड म ओकर नाव घलो जुड़ाय रहिस, जेन ले ओकर शासन के योजना मन के लाभ मिलत रहिस। अब माता-पिता के निधन के बाद वो अविवाहित होने के कारण अकेल्ला जीवन बितावत हवंय। राशन कार्ड नई होय से वो खाद्य विभाग सहित दूसर शासकीय योजना मन के लाभ ले बंचित रहि गे रहिस।
मुख्यमंत्री साय राव के पीड़ा ल पूरे आत्मीयता ले सुने अऊ मौके मच अधिकारी मन ला निर्देश दे दिस कि ओकर जल्दी राशन कार्ड उपलब्द कराय जाए, ताकि वो शासन के योजना के लाभ ले सके।
