नारायणपुर म लगातार पानी गिरे ले नदियां उफान म, पेड़ म चढ़के बचाई प्रान
नारायणपुर जिला म लगातार होइया झड़ी पानी के चलते नदी-नाला के जलस्तर बढ़ गे है। गांव तारागांव म माड़ीन नदी के पानी अचानक बढ़ाय के सेती नदी के बीच फंसे 55 बछर के ग्रामीण ला जिला परसासन, पुलिस अउ नगर सेना के संयुक्त टीम ह सुरक्षित बाहिर निकाल लिस। तकोच, खतरा के संकटा ला देखत हुज्ज नदी तीर बसइया 9 परिवार मन ला घलो सुरक्षित ठौर म शिफ्ट कराय गे है।
जानकारी के मुताबिक तारागांव रहइया गोपी राम पटेल नदी तीर अपन खेत म बंधे बैल ला खोलै गे रिहिन। इहि बेरा म नदी के जलस्तर तेजी ले बढ़ गे अउ ओमन पानी ले घिरगिन। स्थिति ला देखत गोपी राम ह लग के आमा पेड़ म चढ़के अपन प्रान बचाई अउ मदद के जोहत रिहिन।
कबरी मिलते एसडीओपी छोटेडोंगर, जिला सेनानी नगर सेना अउ थाना प्रभारी धौड़ाई के अगुआनी म रेस्क्यू टीम मौका म पहुंचिस। तेज बहाव अउ कठिन परिस्थिति के बीच टीम ह सावधानी ले अभियान चलिके गोपी राम ला सुरक्षित बाहिर निकालिस। रेस्क्यू के पाछू ओला धौड़ाई स्वास्थ्य केंद्र ले गे गीस, जिहाँ डॉक्टर मन स्वास्थ्य के जांच करिन अउ भोजन उपलब्ध कराइन।
खतरा के लगन पहुंचिस नदी के जलस्तर, 9 परिवार शिफ्ट
ओरछा बिकासखंड के गांव कलमानार म घलो नदी के जलस्तर खतरा के निसान के लगन पहुंच गे। संभावित बाढ़ के खतरा ला देखत परसासन ह नदी तीर रहइया 9 परिवार मन ला समे रहते सुरक्षित ठौर अउ ओखर मन के रितेदार मन के ठौर पहुंचाइस। परसासन के टीम मन ए परिवार मन के सुरक्षा अउ जरूरी सुबिधा मन म लगातार नजर रखे हें।
कंट्रोल रूम नंबर जारी
भारी पानी के बीच जिला परसासन ह मनखे मन ला उफनता नदी-नाला, निचाई इलाका अउ पानी भरइया क्षेत्र ले दूर रहै के अरदास करे है। कोनो आपात स्थिति या पानी भरइया के जनकारी बर जिला कंट्रोल रूम के नंबर 07781-252214 म संपर्क करे जा सकथे।
