रायपुर, छत्तीसगढ़ के आदिम जाति बिकास विभाग ला जनजाति विरासत के संरक्षण, जनजाति कल्याण अउ वनाधिकार के सतत सुरक्षा के क्षेत्र म करे गे अभिनव काम बर प्रतिष्ठित SKOCH Gold Award ले सम्मानित करे गीस है। ए सम्मान विभाग के दूोइया प्रमुख पहल ‘AADI VIRASAT’ अउ ‘मोर वनाधिकार, मोर उत्तराधिकार’ ला प्रदान करे गीस है।
SKOCH Award बर दुनो प्रोजेक्ट के चयन तीन-स्तरीय परस्तुतिकरण अउ मूल्याकंन प्रक्रिया अउ पब्लिक वोटिंग के पाछू करे गीस। ततकालीन टीम लीडर अउ प्रमुख सचिव सोनमणि बोरा, IAS ह जूरी केोती दुनो प्रोजेक्ट के परस्तुतिकरण करिस। प्रोजेक्ट ले जुड़इया बी.के. राजपूत, संयुक्त सचिव अउ श्रीकांत शुक्ला, OSD घलो ए बेरा म हाजिर रिहिन।
‘AADI VIRASAT’ के तहत छत्तीसगढ़ म दूोइया महत्वपूर्ण संग्रहालय के निर्माण करे गे है। एमा शहीद वीर नारायण सिंह स्मारक सह जनजाति स्वतंत्रता संग्राम सेनानी संग्रहालय सामिल है, जेकर उद्घाटन नवंबर 2025 म प्रधानमंत्री डहर ले करे गीस रिहिस। तकोच राज्य के पहिली जनजाति संग्रहालय के उद्घाटन मई 2025 म मुख्यमंत्री डहर ले करे गीस।
ए संग्रहालय मन म जनजाति इतिहास, वीरता, संस्कृति अउ परंपरा ला आधुनिक तकनीक ले जोड़त AR/VR अउ immersive experiences के उपयोग करे गे है। एखर उद्देस्य जनजाति विरासत ला नवा पीढ़ी तक परभाबी अउ आधुनिक तरीका ले पहुंचाय के है।
तकोच ‘मोर वनाधिकार, मोर उत्तराधिकार’ पहल के माध्यम ले वनाधिकार ला सिरिफ एक बार मिलइया अधिकार के बजाय पीढ़ी-दर-पीढ़ी सुरक्षित रहइया ब्यवस्था के रूप म विकसित करै म जोर दे गे है। एमा उत्तराधिकार, अभिलेख मन के अद्यतन अउ वनाधिकार पावइया हितग्राही मन ला अलग-अलग सरकारी योजना ले जोड़ै म खास ध्यान दे गीस है।
SKOCH Gold Award मिलै पर मुख्यमंत्री विष्णु देव साय अउ आदिम जाति बिकास विभाग के केबिनेट मंत्री रामविचार नेताम ह बिभागीय अधिकारी मन अउ पूरा टीम ला बधाई दीस। ओमन ए उपलब्धि ला छत्तीसगढ़ के जनजाति समुदाय मन के विरासत अउ अधिकार के संरक्षण के डहर म करे जावत कोसिस के राष्ट्रीय पहिचान बताए हें।
