रायपुर। छत्तीसगढ़ म स्वास्थ्य अउ उद्योग क्षेत्र म बड़का निवेश के दिशा म अहम कदम बढ़ात हुए आज नवा दिल्ली स्थित छत्तीसगढ़ सदन म मुख्यमंत्री विष्णु देव साय ले दु प्रमुख उद्योग समूह ह मुलाकात करिन।
मेदांता अस्पताल के संस्थापक अउ प्रख्यात हृदय रोग विशेषज्ञ डॉ. नरेश त्रेहन ह रायपुर म एक अत्याधुनिक मल्टी-स्पेशियलिटी अस्पताल स्थापित करे के प्रस्ताव दिन। ओमन ह बतायिन कि वो ए परियोजना म लगभग 500 करोड़ रुपया के निवेश करना चाहत हे। ए अस्पताल उन्नत चिकित्सा तकनीक, विशेषज्ञ डॉक्टर, रिसर्च अउ प्रशिक्षण सुविधा ले लैस होहि।
उहें, वरुण बेवरेजेस लिमिटेड के चेयरमैन रवि जयपुरिया ह रायपुर म कार्बोनेटेड सॉफ्ट ड्रिंक्स अउ फ्रूट जूस आधारित संयंत्र लगाए के प्रस्ताव दिन, जेमा 250 करोड़ रुपया ले अधिक के निवेश करे जाहि। ए परियोजना राज्य म औद्योगिक विकास के संग- संग रोज़गार सृजन ल गति दिहि।
मुख्यमंत्री विष्णु देव साय ह दुनों प्रस्ताव के स्वागत करत कहिन कि छत्तीसगढ़ सरकार स्वास्थ्य अउ उद्योग जइसन क्षेत्र म अइसे गुणवत्तापूर्ण निवेश बर हरसंभव सहयोग प्रदान करहि। ओमन कहिन कि ये दुनों परियोजना म राज्य शासन विचार करके एला हर संभव मदद दिही… इही प्रकार के परियोजना ले जनता ल लाभ अउ युवा मन ल रोज़गार के नवा अवसर घलो सुलभ होहि।
