रायपुर। मुख्यमंत्री विष्णुदेव साय के मंशानुरूप राज्य म शासकीय कार्य म पारदर्शिता लाए अउ शासकीय योजना अउ कार्यक्रम के प्रभावी क्रियान्वयन सुनिश्चित करे के संग आम जनता के समस्या के समयबद्ध निराकरण करे के उद्देश्य ले सुशासन तिहार के आयोजन करे जात हे। सुशासन तिहार के मुख्य उद्देश्य आम नागरिक मन के समस्या के त्वरित समाधान करना अउ पात्र हितग्राही मन ल पारदर्शी ढंग ले शासकीय योजना के लाभ पहुंचाना हे। सुशासन तिहार के पहली चरण म जिला के आम नागरिक मन ले प्राप्त आवेदन मन के निराकरण बर समाधान शिविर के शुभारंभ हो चुके हे। समाधान शिविर म विभिन्न विभाग द्वारा नागरिक मन ले प्राप्त आवेदन के आवश्यक जांच करके उखर मांग ल पूरा करे जात हे अउ समस्या के निराकरण करे जात हे।
इही क्रम म मत्स्य पालन विभाग द्वारा मत्स्य कृषक मन ले विभिन्न मांग के संबंध म प्राप्त आवेदन के निराकरण करत हुए मत्स्य पालक मन ल मछली जाल प्रदाय करे गिस हे। कोंडागांव जिला के केशकाल विकास खण्ड के ग्राम खालेमुरवेण्ड म आयोजित समाधान शिविर म विधायक नीलकंठ टेकाम ह दु मत्स्य कृषक घासीराम कोरेटी ग्राम चिपरेल अउ जागेश कुमार मंडावी ग्राम बंजोड़ा ल मछली पकड़े बर मछली पालन विभाग ह जाल के वितरण करे गिन। घासीराम ह बतायिन कि वो ग्राम चिपरेल के रहइया हरे अउ तालाब के 0.20 हेक्टेयर रकबा म मछली पालन के कार्य करत हे। इही प्रकार ग्राम बंजोड़ा निवासी जागेश कुमार ह बतायिन कि गांव म एक एकड़ के तालाब हे, जेमा मछली पालन के कार्य करे जात हे। ओमन ह मांग पूरा होए म मत्स्य पालक मन ह खुशी जतात कहिन कि एखर ले ओमन ल मछली पालन कार्य ल आगु बढ़ाए म बहुत राहत मिलहि।
सुशासन तिहार म आमजन मन के समस्या अउ मांग म समयबद्ध निराकरण ले नागरिक मन ल बड़ राहत मिलत हे। छत्तीसगढ़ शासन के ए पहल ले ग्रामीणजन के समस्या के समाधान उखर गांव म ही होत हे।
