बीजापुर। कर्रेगुट्टा पहाड़ी म हाल ही म चले सबले बड़का नक्सल विरोधी अभियान ह छत्तीसगढ़ म उग्रवाद के किला ल हिलाके रख दे हे। ए ऐतिहासिक मुठभेड़ म सुरक्षाबल ह 31 खूंखार नक्सली मन ल मार गिराइन हे जेमा संगठन के उच्च रैंक—ACM अउ DVCM स्तर के कैडर शामिल रीहिन। अब, ए ऐतिहासिक सफलता ल स्थायी बदलाव म बदले बर मुख्यमंत्री विष्णुदेव साय स्वयं मौका म पहुँचके बहादुर जवान मन ले न केवल मुलाक़ात करके उखर मनोबल बढ़ाही बल्कि आगु के रणनीतिक चर्चा करहि।
मुख्यमंत्री आज बीजापुर अउ दंतेवाड़ा के सीमा म स्थित गलगम के सीआरपीएफ कैंप पहुंचत हे—सिर्फ जवान मन के हौसला बढ़ाए बर नई, बल्कि ओखर जांबाज़ के संग बैठकर अगला रणनीति तय करे बर ए यात्रा के असल मकसद कर्रेगुट्टा जइसन रणनीतिक क्षेत्र म मिलिस सैन्य जीत ल विकास अउ स्थायी शांति म बदले बर हे।
ए इलाका अब तक नक्सली मन के सुरक्षित गढ़ माने जात रीहिन, लेकिन इहां ले 450 ले ज्यादा IED डिफ्यूज करे गे, बड़का मात्रा म हथियार अउ पहली बार नक्सली ह तैयार करे गे दु मेगा स्नाइपर गन जब्त होए। ए संकेत हे कि नक्सल आंदोलन न केवल कमज़ोर होइस हे, बल्कि पहली बार घबराहट म हे। अइसे म मुख्यमंत्री के ए यात्रा अवइया महीना म नक्सलवाद ल पूरी तरह समाप्त करे के दिशा म निर्णायक माने जात हे।
शाम ल बीजापुर म आयोजित समीक्षा बैठक म मुख्यमंत्री ह केवल सुरक्षा अभियान के समीक्षा करहि, बल्कि शिक्षा, स्वास्थ्य, सड़क, संचार अउ युवा मन बर रोजगार जइसन विकास कार्य के घलो गहराई ले समीक्षा करहि। स्पष्ट हे कि सरकार नक्सलवाद ल दोतरफा जवाब देत हे—एक तरफ सटीक पुलिस बल कार्रवाई, अउ दूसरी तरफ तेज़तर्रार विकास योजना।
