बीजापुर, भैरमगढ़ के लगन नेलसनार क्षेत्र म बाढ़ के सेती नेशनल हाईवे म आवागमन परभावित होय के सेती कईेक यात्री रद्दा म फंस गे। एइसे म जिला परसासन ह मानवीय पहल करत फंसे यात्री मन बर भोजन के ब्यवस्था करिस।
26 सितंबर के दिन के समय करिब 150 यात्री अउ रात म लगभग 70 लोगन मन ला भोजन उपलब्ध कराए गीस। बाढ़ के बीच परसासन के ए पहल ले रद्दा म फंसे यात्री मन ला राहत मिलिस अउ ओमन ला जरूरी मदद उपलब्ध कराए गीस।
कलेक्टर बिस्वदीप के अगुआनी म एसडीएम, तहसीलदार अउ मैदानी अमला लगातार बाढ़ परभावित क्षेत्र मन के स्थिति म नजर बनाए हें। परसासन अउ एसडीआरएफ के टीम मन डहर ले राहत अउ बचाव काम ला प्राथमिकता के संग संचालित करे जात है।
परसासन के कोती ले जरूरत के हिसाब ले परभावित अउ फंसे लोगन मन तक भोजन समेत दूसर जरूरी मदद पहुंचाई जात है। जिला परसासन ह नागरिक मन ला बाढ़ परभावित रद्दा म बिना काम के आवागमन ले बचै अउ स्थानीय परसासन डहर ले जारी दिसानिर्देश मन के पालन करै के अरदास करे है।
