रायपुर। दूर-दराज अउ घना जंगल वाला आदिवासी इलाका मन म अब स्वास्थ्य सेवा मन लोगन के दुवार ले पहुँचही। प्रधानमंत्री जनजातीय आदिवासी न्याय महाअभियान “पीएम जनमन” के तहत बुधबार ला नवा रायपुर म मुख्यमंत्री श्री विष्णुदेव साय 57 मोबाइल मेडिकल यूनिट गाड़ी मन ला हरी झंडी देखाके रवाना किए। कार्यक्रम म स्वास्थ्य मंत्री श्री श्याम बिहारी जायसवाल संग मंत्रिमंडल के सदस्य, जनप्रतिनिधि अउ विभागीय अधिकारी-कर्मचारी मन उपस्थिति रहिन।
मोबाइल मेडिकल यूनिट मन के संचालन ले खास करके कमजोर जनजातीय समूह (पीवीटीजी) तक नियमित स्वास्थ्य सेवा पहुँचाय के तयारी पूरी कर ली गे हवय। सरकार के मानना हवय कि दुर्गम इलाका म रहय वाले समाज मन ला अस्पताल तक पहुँचइ म जे कठिनाई आथे, ओकर देखत ये व्यवस्था स्वास्थ्य सुविधा ला सीधे ओमन के गाँव अऊ बस्ती म पहुँचाही।
मोबाइल मेडिकल यूनिट मन के तैनाती ले राज्य के 18 जिला के 2100 ले जादा गाँव अऊ बस्ती तक नियमित स्वास्थ्य सेवा पहुँचाइ जाही। ये ले दू लाख ले जादा खास करके कमजोर जनजातीय समूह (PVTG) आबादी ला सीधे लाभ मिलही।
मुख्यमंत्री विष्णु देव साय कहिन कि पहाड़ी अऊ दुर्गम इलाका म रहय वाले परिवार मन खातिर अब इलाज अऊ जाँच के सुविधा गाँव मच उपलब्ध होही। ओमन ये पहल ला आदिवासी समाज के “सर्वांगीण भागीदारी अऊ स्वास्थ्य सुरक्षा के ठोस आधार” बतायिन।
मुख्यमंत्री साय कहिन कि छत्तीसगढ़ बर ये गर्व के दिन आय। समाज म आर्थिक, सामाजिक, सिक्षा के हर तरफ ले पिछड़े मनखे मन खास पिछड़ी जाति के लोग हवंय। छत्तीसगढ़ म रहइया 3 करोड़ झन के आबादी म खास पिछड़ी जाति के 2 लाख 30 हजार झन 18 जिला के 21 सय बसइठ म रहिथें। ये मोबाइल मेडिकल यूनिट उंखर बर वरदान साबित होही। ये सब सुविधा संगे 57 मोबाइल मेडिकल यूनिट के मदद ले काम आसान हो जही। ये यूनिट म डॉक्टर, नर्स, लैब टेक्निशियन अउ ठऊर के वालंटियर रहिहीं। ये यूनिट म 25 तरह के जांच सुविधा अउ 106 तरह के दवाई मन मुफ्त म उपलब्ध होहीं।
मुख्यमंत्री श्री साय ये नवा योजना बर स्वास्थ्य मंत्री श्याम बिहारी जायसवाल, सीजीएमएससी के अध्यक्ष दीपक म्हस्के सहित सबो अधिकारी-कर्मचारी मन ला बधाई अउ शुभकामना देिन।
ए मौका म स्वास्थ्य मंत्री जायसवाल कहिन कि खास पिछड़ी जाति के उन्नति बर प्रधानमंत्री नरेंद्र मोदी अउ मुख्यमंत्री विष्णु देव साय प्रयास करत हवंय। ये मोबाइल मेडिकल यूनिट ए जऊन दूर-दराज के वनांचल बर हैं जिहां स्वास्थ्य सुविधा के पहुँच कम हवय। आज 57 मोबाइल मेडिकल यूनिट पूरे राज के खातिर समर्पित हवय, जऊन प्रधानमंत्री श्री नरेंद्र मोदी के सपना ला पूरा करही। मंत्री श्री जायसवाल प्रधानमंत्री श्री नरेंद्र मोदी ला धन्यवाद देत कहिन कि उहाँ मन ए पुण्य काम म छत्तीसगढ़ ला सहभागी बनाके योगदान देय के मौका दिहिन।
स्वास्थ्य सचिव श्री अमित कटारिया कहिस कि प्रधानमंत्री श्री नरेंद्र मोदी 15 नवम्बर 2023 ला विशेष पिछड़ी जनजाति मन के सामाजिक, आर्थिक उन्नति खातिर पीएम जनमन योजना के शुरुआत करे हवंय। एकरे उद्देश्य बेसिक सुविधाओं ला सीधे गांव मन ले पहुचाना हे। वो कहिन कि आपातकालीन स्थिति म मरीज ला ए यूनिट मन के माध्यम ले नज़दीकी स्वास्थ्य केंद्र म पहुँचाना आसान होही। हमर उद्देश्य सिरिफ मशीन ही नो हे, बल्कि कुशल अउ संवेदनशील कर्मचारी मन के उपलब्धता घलो सुनिश्चित करना हे। हरेक मोबाइल मेडिकल यूनिट म डॉक्टर, नर्स, लैब तकनीशियन, फार्मासिस्ट अउ स्थानीय स्वास्थ्य स्वयंसेवक मन तैनात करे गेय हे। ये यूनिट हर 15 दिन म स्वास्थ्य शिविर करवाही, जेमन म 25 ले जादा प्रकार के जाँच अउ रोग मन के इलाज होही अउ जरूरी दवाई मन के वितरण करही। गंभीर मरीज मन ला जरूरत अनुसार नज़दीकी स्वास्थ्य संस्थान म भेजा जाही।
उल्लेखनीय ये आय कि पहिली संसाधन के कमी से दूरदराज इलाका मन म स्वास्थ्य सेवा नियमित रूप ले नइ पहुँच पावत रहिस। अब नए वाहन अउ प्रशिक्षित कर्मचारी मन के उपलब्धता संग ए व्यवस्था लगातार संचालित करे जा सकहि। ए पहल ले टीबी, मलेरिया, एनीमिया अउ कुपोषण जइसे समस्या के समय म पहचान अउ रोकथाम म मदद मिलहि।
