कांकेर जिला के कोदाभाठ-माटवाड़ा मोदी रद्दा म दूध नदी के ऊपर उच्च स्तरीय पुल (हाईलेवल ब्रिज) अउ पहुंच रद्दा के निर्माण कराय जाही। एखर बर राज्य शासन ह 16 करोड़ 14 लाख 71 हजार रूपिया के रकम मंजूर करे हावय। उप मुख्यमंत्री अउ लोक निर्माण मंत्री अरुण साव के मंजूरी के बाद निर्माण बर रकम स्वीकृति के खत जारी कर दे गे हावय।
पुल बनै ले ए रद्दा म आय-जाय (आवागमन) आसान होय के भरोसा हावय। खासकर बरसातिको बेरा म नदी के सेती आय-जाय म होवइया परेशानी मन ला दूर करै म ये निर्माण ला बहुत जरूरी माने जात हावय। पुल के संग-संग पहुंच रद्दा घलो बनाय जाही।
लोक निर्माण विभाग ह निर्माण एजेंसी ला तय समय-सीमा के भीतर काम ला पूरा करै के हुकुम दे हावय। विभाग ह साफ-साफ कहि दिस हावय कि बिना ठोस कारन के निर्माण के समय-सीमा बढ़ाय के परमीसन नइ मिलै। सिरिफ अनहोनी या बस के बाहिर के हालात होय त सक्षम अधिकारी के मंजूरी ले समय-सीमा ला बढ़ाय जा सकही।
निर्माण म इस्तेमाल होवइया सामान अउ पूरा काम के क्वालिटी (गुणवत्ता) पर घलो खास नजर रखै के हुकुम दे गे हावय। विभाग के मुताबिक, काम म कोनो भी स्तर म क्वालिटी कम मिलै त जिम्मेदार लोगन मन ऊपर नियम के हिसाब ले कार्रवाई करे जाही।
विभाग ह निर्माण काम के टेंडर प्रक्रिया ला तय समय म पूरा करै के संग-संग इस्टीमेट (प्राक्कलन) अउ काम के बेरा म मितव्ययिता (कम खरचा/बचत) बरतै के हुकुम घलो दे हावय।
