राष्ट्रसेवा, संगठन निर्माण अउ जनकल्याण बर समर्पित रिहिस कुशाभाऊ ठाकरे जी के पूरा जिंदगी – मुख्यमंत्री विष्णु देव साय
सादगी, अनुशासन अउ कार्यकर्ता मन बर आत्मीयता ह ओमन ला बनाइस सार्वजनिक जीवन के आदर्श : मुख्यमंत्री साय
रायपुर, मुख्यमंत्री विष्णु देव साय ह आज राजधानी रायपुर स्थित मुख्यमंत्री निवास म स्वर्गीय कुशाभाऊ ठाकरे के जयंती म ओमन के छायाचित्र म माल्यार्पण करके श्रद्धापूर्वक नमन करिन। मुख्यमंत्री ह ठाकरे के व्यक्तित्व अउ कृतित्व ला सुरता करत राष्ट्र अउ समाज बर ओमन के योगदान ला याद करिन।
मुख्यमंत्री साय ह कहिन कि स्वर्गीय कुशाभाऊ ठाकरे के पूरा जिंदगी राष्ट्रसेवा, संगठन निर्माण अउ जनकल्याण बर समर्पित रिहिस। सादगी, अनुशासन, निष्ठा अउ सेवाभाव ओमन के व्यक्तित्व के खास पहचान रिहिस। ओमन अपन आचरण अउ काम करे के शैली ले सार्वजनिक जीवन म उच्च आदर्श स्थापित करिन।
मुख्यमंत्री ह कहिन कि ओमन संगठन ला मजबूत बनाए के संग ही समाज के अंतिम आदमी तक पहुंच के ओकर सेवा ला सबले पहली प्राथमिकता दिन। एही कारन अय कि आज घलो ओमन के जिंदगी अउ विचार सार्वजनिक जीवन म काम करइया लोगन मन बर प्रेरणा के सोता (स्रोत) आवयं।
मुख्यमंत्री ह कहिन कि कुशाभाऊ ठाकरे के जयंती हमन ला ओमन के आदर्श अउ जिंदगी के मूल्य मन ले प्रेरणा लेवे के मौका देवथे। राष्ट्रहित ला सबले ऊपर राखत जनकल्याण बर समर्पित भाव ले काम करना ही ओमन बर सही श्रद्धांजलि होही।
मुख्यमंत्री साय ह स्वर्गीय कुशाभाऊ ठाकरे ला विनम्र श्रद्धांजलि अरपित करत प्रदेशवासी मन ले ओमन के सेवा, समर्पण अउ राष्ट्रनिष्ठा के आदर्श मन ला अपनाके विकसित अउ समृद्ध भारत के निर्माण म अपन योगदान देवे के आह्वान करिन।
