- असम के बाढ़ पीड़ित मन के सहायता बर छत्तीसगढ़ सरकार ह दीस 5 करोड़ रूपिया
- मुख्यमंत्री ह सहायता राशि के चेक राज्यपाल ला सौंपीस
रायपुर, मुख्यमंत्री विष्णु देव साय ह आज 80वें स्वतंत्रता दिवस के अवसर म लोकभवन पहुंच के राज्यपाल रमेन डेका ले सौजन्य भेंट करिन। मुख्यमंत्री ह राज्यपाल ला स्वतंत्रता दिवस के गाड़ा-गाड़ा बधाई अउ शुभकामना दीन। राज्यपाल डेका ह घलो मुख्यमंत्री ला स्वतंत्रता दिवस के शुभकामना देवत प्रदेश के सुख-समृद्धि अउ लगातार आगू बढ़े के कामना करिन।
ए अवसर म मुख्यमंत्री विष्णु देव साय ह असम म आए भीषण बाढ़ ले प्रभावित लोगन मन के सहायता बर छत्तीसगढ़ सरकार के कोती ले 5 करोड़ रूपिया के सहायता राशि के चेक राज्यपाल रमेन डेका ला सौंपीस। ए सहायता राशि ह असम के बाढ़ प्रभावित परिवार मन के राहत अउ पुनर्वास के काम म सहयोग बर दिए गए हे। बताए बर लागय कि राज्यपाल ह 16 अगस्त के असम के दौरा म रहीं।
मुख्यमंत्री विष्णुदेव साय ह असम म बाढ़ ले होए जन-धन के नुकसान म संवेदना जतावत कहिन कि प्राकृतिक आपदा के ए कठिन बेरा म छत्तीसगढ़ के जनता ह असम के भाई-बहिनी मन के संग म मजबूती ले ठाढ़े हे।
ए अवसर म विधानसभा अध्यक्ष डॉ. रमन सिंह अउ विधायक पुरंदर मिश्रा उपस्थित रहिन।
