डैम सेफ्टी (सुरक्षा) ऊपर जोर, मरम्मत अउ रखरखाव के काम ला मिलीस हरी झंडी
रायपुर: धमतरी जिला मा स्थित रविशंकर सागर जलाशय, जेला हमन गंगरेल बांध के नाम ले जानथन, अब ओला अउ जादा मजबूत अउ सुरक्षित बनाये जाही। राज्य सरकार ह बांध ला लंबा समे तक सुरक्षित रखे बर 65.5 करोड़ रुपिया के मंजूरी दे दे हे। ये काम ले न केवल बांध के उमर बढ़ही, बल्कि सुरक्षा के पैमाना घलो अउ मजबूत होही।
ये योजना के तहत ‘वर्टिकल प्रेशर ड्रेन’ के सफाई अउ दूसर जरूरी मरम्मत के काम करे जाही। जानकार के कहना हे कि नवा तकनीक के प्रयोग ले बांध के भीतरी ढांचा मजबूत होही अउ पानी के रिसाव (सीपेज) ऊपर रोक लगाय जा सकही। कलेक्टर ह ये काम ला पहिली राखत हुए अधिकारी ला तुरत सुरु करे के निर्देश दीन हें। ओमन टेंडर प्रक्रिया मा तेजी लाय, काम के बढ़िया क्वालिटी अउ पारदर्शिता (साफ-सुथरा काम) रखे ऊपर जोर दीन हें।
बता दन कि 1978 मा बने ये बांध पिछले 40 बछर ले जादा समे ले ये इलाका के आधार आय। गंगरेल बांध के नहर मन ले धमतरी के संग कतको जिला के हजारों हेक्टेयर खेत मा सिंचई होथे। एकर अलावा ये जलाशय ले पीने के पानी, उद्योग मन ला पानी अउ 11.2 मेगावाट बिजली के उत्पादन घलो
“रविशंकर सागर जलाशय सिरिफ धमतरी के नोहे, बल्कि पूरा इलाका के जीवनरेखा आय। एकर सुरक्षा हमर बर सबले बड़े काम आय। स्वीकृत काम मन ले बांध के ढांचा मजबूत होही अउ पानी रिसे के समस्या के वैज्ञानिक समाधान होही। जिला प्रशासन डाहर ले काम के लगातार जाँच अउ क्वालिटी टेस्ट करे बर समय-सीमा तय कर दे गे हे।”