रायपुर। भारत के मेक इन इंडिया अउ आत्मनिर्भर भारत के सपना ल साकार करे म छत्तीसगढ़ एक महत्वपूर्ण भूमिका निभात हे। नवा रायपुर अटल नगर म 1100 करोड़ रुपया के लागत ले छत्तीसगढ़ के पहली सेमीकंडक्टर यूनिट के भूमिपूजन करे जा चुके हे। देश के प्रसिद्ध सेमीकंडक्टर निर्माता कंपनी पोलीमैटेक इलेक्ट्रॉनिक्स प्राइवेट लिमिटेड के प्लांट के आधारशिला रखके विकसित छत्तीसगढ़ के तरक्की ल नवा गति दे गिस हे।
मुख्यमंत्री विष्णु देव साय के नेतृत्व म नई उद्योग नीति अउ इज ऑफ डुईंग बिसनेस के तहत् राज्य द्वारा देय जात सुविधा अउ सहुलियत ले राज्य म निवेश के नया वातावरण तैयार होए हे। सेमीकंडक्टर बनइया कंपनी पॉलीमैटेक ह घलो दिल्ली म आयोजित इन्वेस्टमेंट समिट म छत्तीसगढ़ म निवेश के इच्छा जताए रीहिन अउ मात्र तीन महीना के भीतर ही भूमिपूजन के कार्य संपन्न होइस। ए छत्तीसगढ़ म ईज ऑफ डूईंग बिजनेस के सफलता ल दर्शात हे।
छत्तीसगढ़ म सेमीकंडक्टर प्लांट के स्थापना ले जिहां एक ओर बड़का पैमाना म चिप्स के निर्माण होही, उहें तकनीकि शिक्षा प्राप्त युवा मन ल बड़का संख्या म रोजगार के अवसर घलो सुलभ होही। राज्य सरकार ह न केवल सेमीकंडक्टर निर्माण म ध्यान देय जात हे बल्कि सेमीकंडक्टर बर पूरा इको सिस्टम तैयार करे के घलो योजना म घलो काम करे जात हे, जेमा चिप डिजाईन ले लेके मेनुफेक्चरिंग अउ पैकेजिंग के पूरा व्यवस्था होहि। राज्य सरकार ह आर्टिफिशियल इंटेलिजेंस डाटा सेंटर जइसन नवा अउ तकनीकि उद्योग ल बढ़ावा देए ले राज्य म तकनीकि शिक्षा ल बढ़ावा मिलही,.. साथ ही रोजगार के नवा-नवा अवसर घलो बढ़हि।
छत्तीसगढ़ सरकार ह कुछु महीना पहली ही नवा औद्योगिक नीति लागू करिन हे, जेखर परिणामस्वरूप महानगर म आयोजित इन्वेस्टर समिट ले अब तक साढ़े 5 लाख करोड़ रुपया के निवेश प्रस्ताव प्राप्त होए हे। राज्य सरकार निवेशक ल प्रोत्साहित करे बर विशेष अनुदान के संग ही कतको प्रकार को सुविधाएं देत हे। सिर्फ सेमीकंडक्टर ही नहीं, बल्कि आर्टिफिशियल इंटेलिजेंस अउ आईटी सेक्टर म घलो राज्य सरकार निवेश ल प्रोत्साहन देत हो। देश के पहिला एआई डेटा सेंटर पार्क नवा रायपुर म बनाए जात हे, जेखर ले छत्तीसगढ़ एक प्रमुख तकनीकी हब के रूप म उभरहि।
