बलौदाबाजार-भाटापारा अउ रायपुर जिला के हजारों हेक्टेयर खेती-खार ला मिलही लाभ
रायपुर: छत्तीसगढ़ सरकार के जल संसाधन विभाग हा राज्य म सिंचाई व्यवस्था ला मजबूत करे बर सात ठन मुख्य सिंचाई योजना मन बर 30 करोड़ 74 लाख 39 हजार रुपया के प्रशासनिक स्वीकृति दे हे। स्वीकृत रासि ले नरवा (नहर) मन के जीर्णोद्धार, रिमॉडलिंग, सीसी लाइनिंग अउ भुइयां के भितरी (भूमिगत) पाइपलाइन बनाए के काम करे जाही। ई काम मन ले बलौदाबाजार-भाटापारा अउ रायपुर जिला के खेती-खार म सिंचाई के सुबिधा अउ सुघर हो जाही।
बलौदाबाजार-भाटापारा म दो ठन काम ला मंजूरी बलौदाबाजार-भाटापारा जिला म बलौदा शाखा नहर के वितरक 11 अउ 12 म रिमॉडलिंग, सीसी लाइनिंग अउ पक्का निरमान काम बर 4.99 करोड़ रुपया स्वीकृत करे गे हे। ऐले लगभग 339.05 हेक्टेयर क्षेत्र ला सिंचाई के सुबिधा मिलही।
अवैसेच, सोंढूर परियोजना के तहत भाटापारा शाखा नहर के बेन्द्री वितरक नहर के रिमॉडलिंग अउ सीसी लाइनिंग बर 4.82 करोड़ रुपया मंजूर करे गे हे। ऐले करीब 355 हेक्टेयर खेती के जमीन ला सिंचाई के लाभ मिलही।
रायपुर जिला म होही कई ठन जरूरी काम रायपुर जिला के धरसींवा विकासखंड म महानदी परियोजना के तहत भाटापारा शाखा नहर म अलग-अलग सुधार काम बर 4.20 करोड़ रुपया स्वीकृत करे गे हे।
उहें मांढ़र शाखा नहर के वितरक 14 म आरडी 2700 मीटर ले 3500 मीटर तक नहर ला ह्यूम पाइप के माध्यम ले भुइयां के भितरी (भूमिगत) करे बर 4.90 करोड़ रुपया के मंजूरी दिए गे हे।
मांढ़र ब्रांच केनाल सर्विस रोड के आरडी 31600 मीटर ले 32900 मीटर तक डामर रोड बनाए बर 1.90 करोड़ रुपया स्वीकृत करे गे हे। ऐकर अलावा मांढ़र शाखा नहर के वितरक 8 अउ माइनर 1 म भुइयां के भितरी पाइपलाइन, कंक्रीट अउ मुरमीकरण रोड निरमान बर 4.92 करोड़ रुपया तथा वितरक 11, 13, 14 अउ माइनर्स के जीर्णोद्धार काम बर 4.97 करोड़ रुपया के स्वीकृति दिए गे हे।
अंतिम छोर (टेल एरिया) तक पहुंचही पानी जल संसाधन विभाग के ई काम मन ले नहर मन के छमता अउ जल प्रबंधन व्यवस्था म सुधार आही। भुइयां के भितरी पाइपलाइन, सीसी लाइनिंग अउ नहर मन के सुधार ले पानी के बहाव सुघर होही। ऐकर सबले बड़े लाभ नहर के आखिरी कोना यानी टेल एरिया के किसान मन ला मिले के उम्मीद हे।
ई सिंचाई परियोजना मन के पूरा होए ले खेती-खार म पानी के सुबिधा अउ सुघर हो जाही अउ किसान मन ला सिंचाई बर अउ जादा मजबूत अउ सुविधाजनक व्यवस्था मिल सकही।
