सिबिर मन के माध्यम ले तुरते निरवारन ले बाढ़िस जनता के भरोसा
कलेक्टर डॉ. संतोष कुमार देवांगन के कड़ा निर्देश – सीमांकन, पेंसन अउ रासन कार्ड के आबेदन मन के दो दिन म करव निरवारन महिला सुवावलंबन- ग्राम मुरमुर ला बकरी पालन क्लस्टर के रूप म बढ़ाए के कोसिस
रायपुर, छत्तीसगढ़ सरकार कोति ले मुख्यमंत्री विष्णुदेव साय के अगुवई म चलत “सुशासन तिहार” अब जनबिस्वास अउ जनभागीदारी के एक बड़ माद्द्म बनत जावत हे। सरकार के योजना मन ला आखिरी मानुस तक पहुंचाए, ग्रामीण मन के दुख-तकलीफ के तुरते समाधान करे अउ प्रसासन ला आम जनता के दुआर तक ले जाए के ए नवा कोसिस के तहत गौरेला-पेन्ड्रा-मरवाही जिला के पेंड्रा बिकासखंड के ग्राम पंचायत बम्हनी म जिला के आठवां जन समस्या निवारन सिबिर लगाए गिस। ए सिबिर म संबेदनसील काम-बूता ला अपनावत मउका म ही जुदा-जुदा मांग अउ सिकात मन के तुरते निरवारन करे गिस।
जनता के बीच पहुंचिन अधिकारी, मंच ले ही होईस समस्या मन के समाधान
सिबिर के सबले बड़े बिसेस बात ए रहिस कि कलेक्टर डॉ. संतोष कुमार देवांगन ह खुदेच आबेदक मन के नाम पुकार के ओ मन ला मंच के आघू बुलाइन अउ संबधित बिभाग के अधिकारी मन ले ओकर आबेदन के अभी का हाल हे अउ निरवारन के जानकारी ग्रामीण मन के बीच सेयर करे बर कहिन।
समय के सीमा तय
कलेक्टर ह सीमांकन, पेंसन अउ रासन कार्ड ले जुड़े आबेदन मन ला संजीदगी ले लेवत संबधित अधिकारी मन ला दो दिन के भीतर जांच करके निरवारन पक्का करे अउ रपोट (प्रतिवेदन) पेस करे के आदिस दिन। ओह साफ कहिन कि जनसमस्या मन के समाधान म ककरो भी कोति ले लापरवाही बरदास्त नई करे जाए। ओह ग्रामीण मन ला भरोसा देविन कि यदि कोनो पहिली सीमांकन ले असंतुष्ट हे, त ओह नियम के मुताबिक फिर ले सीमांकन बर कलेक्टर कचहरी म आबेदन पेस कर सकत हे।
महिला सुवावलंबन- मुरमुर बनही बकरी पालन क्लस्टर
सिबिर म बकरी पालन बर शेड जनम करइ (निर्माण) बर बड़ अकन आबेदन मिले म कलेक्टर ह तुरते फैसला लिन। ओह आजीविका मिशन अउ जनपद पंचायत के अधिकारी मन ला आदिस दिन कि ग्राम कोडगार म सव-सहायता समूह के महिला मन कोति ले चलइया बकरी पालन के तर्ज म अब ग्राम पंचायत मुरमुर ला घलो बकरी पालन क्लस्टर के रूप म तइयार करे जाए, ताकि ग्रामीण महिला मन के आरथिक सुवावलंबन अउ रोजगार ला नवा उड़ान मिल सके।
पानी, वनाधिकार अउ राजस्व मामला म बिसेस ध्यान
लोक सुवासथ यांत्रिकी बिभाग ला जरूरत के हिसाब से नवा हैंडपंप खने अउ खराब हैंडपंप मन के तुरते मरम्मत पक्का करे के आदिस दे गिस। वन अधिकार पत्र, ऋण पुस्तिका ले जुड़े आबेदन मन ऊपर वन बिभाग के अधिकारी मन ला अपन छोटे अमला अउ रिकॉर्ड के संग सिबिर म ही छानबीन करके तुरते निरवारन करे बर कहे गिस।
13 ग्राम पंचायत के ग्रामीण मन उठाइन सिबिर के लाभ
ए सिबिर म ग्राम पंचायत कोडगार, घाटबहरा, बम्हनी, जिल्दा, खरड़ी, मुरमुर, घघरा, अमाडांड, जाटादेवरी, बसंतपुर, सोनबचरवार, लाटा अउ जमड़ीखुर्द समेत कुल 13 ग्राम पंचायत के ग्रामीण मन बड़ संख्या म सामिल होइन। जिला पंचायत अध्यक्ष समीरा पैकरा अउ उपाकास राजा उपेन्द्र बहादुर सिंह ह ग्रामीण मन ले सरकार के कल्यानकारी योजना मन ला समझके ओकर जादा से जादा लाभ उठाए के नेवता दिन।
सुशासन तिहार म सोझे मिलिस लाभ
ए सिबिर ह सिरिफ सिकात मन तक सीमित नई रहिस, बल्कि ए सोझे लाभ बांटे के एक सुघ्घर मंच बनिस। काज-कारज के बेरा म गरभबती महिला मन के गोद भराई अउ लइका मन के अन्नप्राशन संस्कार कराए गिस। हितग्राही मन ला जाति प्रमाण पत्र, आरथिक सहायता रासि के चेक, आबादी भूमि अधिकार पत्र, बी-वन खसरा, वोटर आईडी कार्ड, किसान किताब, प्रधानमंत्री आवास योजना के चाबी, दिब्यांगजन मन ला छड़ी अउ वॉकर, आयुष्मान कार्ड, मितानिन दवा किट तथा लर्निंग लाइसेंस बांटे गिस।
सिबिर म जिला पंचायत के मुख्य कार्यपालन अधिकारी, एसडीएम पेंड्रारोड, जिला पंचायत सदस्य पूर्णिमा पैकरा, पवन पैकरा, जनपद अकास अजीत हेम कुंवर श्याम समेत स्थानीय जनप्रतिनिधि, मान-गुनी मनखे मन अउ बड़ संख्या म ग्रामीण मन उपस्थित रहिन।
