रायपुर, वित्त मंत्री ओपी चौधरी ह अपन परभार जिला जशपुर के जनप्रतिनिधि मन संग वर्चुअल जुड़ के ‘सेवा संकल्प अभियान’ के तैयारी ल लेके बैठक म हिस्सा लीिन। 17 सितंबर ले 17 अक्टूबर तक चलने वाला ए एक महिना के अभियान के सेती जिला म होने वाला अलग-अलग कार्यक्रम अउ गतिविधि मन के रूपरेखा ऊपर गोठ-बात होइस।
वित्त मंत्री ओपी चौधरी ह कहिन कि “25 बछर म आदरणीय प्रधानमंत्री नरेंद्र मोदी जी के यात्रा जनसेवा, नेतृत्व अउ भारत के क्षमता म अटूट भरोसा के कहानी ए।” उनखर जनसेवा के 25 बछर के ये प्रेरणादायक यात्रा ल जन-जन तक पहुँचाना अउ सेवा, समर्पण अउ राष्ट्र निर्माण के भावना ल समाज के हर वर्ग ले जोड़ना हम सबो झन के जिम्मवारी ए। ओ ह कहिन कि प्रधानमंत्री नरेंद्र मोदी के अगुआइ म भारत आत्मविश्वास के संग विकसित राष्ट्र बनई के डहर म तेजी ले आगू बढ़त हे। विकसित भारत-2047 के संकल्प ल पूरा करई म युवा मन, जनप्रतिनिधि अउ समाज के हर वर्ग के बढ़-चढ़ के हिस्सा लेना जरूरी ए।
बैठक म जशपुर जिला म सेवा संकल्प अभियान के तहत होवइया कार्यक्रम मन, जनभागीदारी बढ़ाना, अलग-अलग सामाजिक अउ सेवा गतिविधि मन अउ अभियान ल असरदार अउ बड़े रूप देवई ल लेके चर्चा करे गे।
