रायपुर। मुख्यमंत्री विष्णु देव साय ह मंत्रालय महानदी भवन म वरिष्ठ अधिकारी मन संग उच्च स्तर के बैठक कर प्रदेश म होवत विभिन्न भर्ती परीक्छा मन के व्यापक समीक्षा करे। बैठक के मुख बिसय ये रहिस कि भर्ती प्रक्रिया मन ला पूरा पारदर्शी, निष्पक्ष अउ समय म पूरा करे जावय। ए समय उप मुख्यमंत्री विजय शर्मा घलो मौजूद रहिन।
मुख्यमंत्री विष्णु देव साय ह कहिन कि जवान मन कठिन मेहनत अउ समर्पण संग प्रतियोगी परीक्छा के तैयारी करथें, तेन ले शासन के प्रतिबद्धता ये है कि ओ मन संग कोनो प्रकार के अन्याय नई होवय। उ झन निर्देश दीस कि सब भर्ती परीक्छा पारदर्शी ढंग म कराए जावय अउ परीक्छा प्रणाली ला वर्तमान चुनौति के अनुसार अउ मजबूत बनाइ जावय। उ कहिन कि परीक्छा प्रक्रिया म कोनो स्तर म लापरवाही या अनियमितता स्वीकार्य नई होही अउ निष्पक्षता सुनिश्चित करे बर सब जरूरी कदम उठाए जाहीं।
मुख्यमंत्री साय कहिस कि परीक्षामन के सुघरता म कोनो सवाल नई उठय, ये बर पारदर्शिता बढ़ाए के सबो उपाय मन म गंभीरता ले काम करे जाही। ओ कहिस कि भर्ती प्रक्रिया म सुधार सरकार के प्रमुख प्राथमिकता मन म सामिल आय। ये ले राज्य म भर्ती प्रणाली जियादा सरल, न्यायसंगत अऊ समयबद्ध हो जाही। बैठक म पुलिस बल समेत अलग-अलग विभाग मन म चलत भर्ती प्रक्रिया के भी समीक्षा करे गे अऊ चयन प्रणाली ला अधिक प्रभावी बनाय बर निर्देश दिये गे।
बैठक म समान योग्यता वाले पद बर अलग-अलग विभाग मन द्वारा अलग-अलग परीक्षा कराय जावत वर्तमान व्यवस्था ऊपर भी चर्चा होईस। समान पात्रता वाले पद बर संयुक्त भर्ती परीक्षा कराय के प्रस्ताव ऊपर विचार होईस। ये ले ना सिरिफ समय अऊ संसाधन के बचत होही, बल्कि विभाग मन ला समय म मानव संसाधन उपलब्ध कराय जा सके।
पीएससी के परीक्षा प्रणाली ला और समकालीन, पारदर्शी अऊ अभ्यर्थी हितैषी बनाय के संबंध म भी विस्तृत चर्चा होईस। ये बात भी विचार करे गे कि प्रतियोगी परीक्षामन के पाठ्यक्रम ला वर्तमान जरूरत अऊ समसामयिक विषय मन के अनुरूप बनाय जावय।
बैठक म मुख्या सचिव विकास शील, अपर मुख्या सचिव रेणु जी. पिल्लै, अपर मुख्या सचिव मनोज कुमार पिंगुआ, पुलिस महानिदेशक अरुण देव गौतम, मुख्यमंत्री के प्रमुख सचिव सुबोध कुमार सिंह, अतिरिक्त पुलिस महानिदेशक विवेकानंद सिन्हा, सामान्य प्रशासन विभाग के सचिव अविनाश चंपावत, मुख्यमंत्री के सचिव मुकेश बंसल, मुख्यमंत्री के सचिव राहुल भगत, मुख्यमंत्री के सचिव पी. दयानंद, सचिव हिमशिखर गुप्ता, उद्योग विभाग के सचिव रजत कुमार, अतिरिक्त पुलिस महानिदेशक एस.आर.पी. कल्लूरी, अतिरिक्त पुलिस महानिदेशक अमित कुमार संग विभागीय अधिकारी उपस्थित रहे।6
