भगवान श्रीकृष्ण ले प्रदेशवासी मन के सुख, शांति अउ समृद्धि के करिन कामना
रायपुर, श्रीकृष्ण जन्माष्टमी के पावन मउका मा उप मुख्यमंत्री अउ कवर्धा विधायक विजय शर्मा हा कवर्धा मा बने श्री राधा-कृष्ण बड़े मंदिर पहुंच के भगवान श्री राधा-कृष्ण के दरसन करिन। ओमन बिधि-विधान ले पूजा-पाठ करके भगवान श्री राधा-कृष्ण के असीरबाद लीन अउ प्रदेशवासी मन के सुख, शांति, समृद्धि अउ खुशहाली के कामना करिन।
उप मुख्यमंत्री शर्मा हा भगवान श्रीकृष्ण ले अरज करत कहिन कि भगवान श्रीकृष्ण के कृपा ले सबो के जिनगी मा सुख, शांति, समृद्धि अउ आनंद के संचार होय। ओमन कहिन कि श्रीकृष्ण जन्माष्टमी के तिहार हा हमला भगवान श्रीकृष्ण के आदर्श, उंकर जिनगी के सदेसा अउ धर्म व सत के रद्दा मा चले के प्रेरणा देथे। ओमन प्रदेशवासी मन ला श्रीकृष्ण जन्माष्टमी के गाड़ा-गाड़ा बधाई देवत कहिन कि ए पावन तिहार हा सबो के जिनगी मा नवा खरची, उमंग अउ खुसी लेके आवय अउ प्रदेश हा लगातार विकास अउ तरक्की के रद्दा मा आगू बढ़त रहय।
