छत्तीसगढ़ के मुख्यमंत्री विष्णुदेव साय ह उत्तर प्रदेश के मुख्यमंत्री योगी आदित्यनाथ के माता सावित्री देवी के निधन ऊपर गहरा दुख जताए हें। उन दिवंगत आत्मा ला श्रद्धांजलि अर्पित करत शोकाकुल परिवार के प्रति अपन संवेदना प्रकट करे हें।
मुख्यमंत्री साय ह सोशल मीडिया प्लेटफॉर्म एक्स म अपन संदेश म कहिन कि जिनगी म मां के स्थान सबसे ऊपर होथे। एक बेटा बर मां ही ओकर पूरा दुनिया होथे। मां के निःस्वार्थ प्रेम, मया अउ आशीर्वाद जिनगी के सबसे बड़े पूंजी होथे, जेकर कमी कभू पूरा नइ हो सके।
उन कहिन कि ए दुख के घड़ी म ओखर संवेदना योगी आदित्यनाथ अउ ओखर पूरा परिवार के संग हे। मां के निधन परिवार बर अइसन अपूरणीय क्षति आय, जेकर भरपाई करना संभव नइ हे।
मुख्यमंत्री विष्णुदेव साय ह बाबा केदारनाथ ले प्रार्थना करिन कि दिवंगत आत्मा ला अपन श्रीचरण म जगह देवें अउ शोक संतप्त परिवार के सदस्य मन ला ए कठिन समय म दुख सहन करे के शक्ति प्रदान करंय।
