रायपुर। छत्तीसगढ़ के समृद्ध लोक कला अउ सांस्कृतिक विरासत के संरक्षण, संवर्धन अउ कलाकार मन ला आर्थिक संबल प्रदान करे के उद्देश्य से संस्कृति अउ राजभाषा संचालनालय डहर ले ‘मुख्यमंत्री लोक कलाकार प्रोत्साहन योजना-2026’ के तहत प्रदेश के लोक कलाकार मन ले आवेदन आमंत्रित करे गीस हे। आवेदन भेजे के अंतिम तिथि 31 अगस्त 2026 निर्धारित करे गीस हे।
योजना के मुख्य बिंदु
- पात्रता अउ श्रेणी: नृत्य-संगीत, लोक नाट्य, लोकगाथा, छत्तीसगढ़ी गीतकार, वाद्ययंत्र वादक, शिल्प कलाकार, छत्तीसगढ़ी पाक कला (पारंपरिक व्यंजन) अउ छत्तीसगढ़ी सौंदर्यकला (श्रृंगार) ले जुड़े कलाकार आवेदन कर सकत हें।
- आर्थिक सहायता: चयनित कलाकार मन ला प्रतिवर्ष न्यूनतम 12,000 रुपिया ले अधिकतम 24,000 रुपिया तक के प्रोत्साहन राशि ई-पेमेंट के माध्यम ले दे जाही।
- आय सीमा: योजना के लाभ सिरिफ उहे कलाकार मन ला मिलही जिकर सब्बो स्रोत ले वार्षिक आय 96,000 रुपिया ले ज्यादा नइ ये। एखर बर सक्षम अधिकारी डहर ले जारी आय प्रमाण-पत्र देना अनिवार्य हे।
- पंजीयन: पात्र कलाकार मन के ‘चिन्हारी पोर्टल’ म पंजीयन होना अनिवार्य हे।
आवेदन भेजे के प्रक्रिया
आवेदन निर्धारित प्रारूप म पंजीकृत डाक के माध्यम ले भेजे जाहि। आवेदन पत्र विभाग के वेबसाइट या संस्कृति अउ राजभाषा संचालनालय, नया रायपुर स्थित कार्यालय ले प्राप्त करे जा सकत हे।
- पता: संचालक, संस्कृति एवं राजभाषा संचालनालय, छत्तीसगढ़ गृह निर्माण मंडल, व्यावसायिक परिसर, द्वितीय तल, सेक्टर-27, नया रायपुर, अटल नगर (छत्तीसगढ़) – 492018।
- विशेष निर्देश: आवेदन भेजते बेरा लिफाफा म स्पष्ट रूप ले ‘मुख्यमंत्री लोक कलाकार प्रोत्साहन योजना-2026’ अंकित करना आवश्यक होही। आवेदन के साथ बैंक खाता के विवरण, आइएफएससी कोड (IFSC Code) अउ पैन कार्ड के छायाप्रति संलग्न करना होही।
