- अलग-अलग योजना के हितग्राही मन ले करिन गोठ-बात
- “मोर गांव मोर पानी अभियान 2.0” के तहत करिन सरमदान
- हितग्राही मन ह मुख्यमंत्री के संग बांटिन अपन अनुभव
रायपुर, मुख्यमंत्री विष्णु देव साय ह आज सुशासन तिहार-2026 के अंतर्गत बलौदाबाजार-भाटापारा जिला के बिकासखंड भाटापारा म बसे गांव करहीबाजार म लगाय समाधान सिविर म सामिल होकर क्षेत्रवासी मन ला अलग-अलग बिकास काम के सौगात दिहिन। मुख्यमंत्री ह इलाका के बिकास बर कतकोन बड़े घोसन मन करिन।
मुख्यमंत्री ह गांव करहीबाजार म जम्मो समाज बर 25 लाख रुपिया के लागत ले सांस्कृतिक भवन निरमाण अउ सुकालू के घर ले सिद्ध बाबा रद्दा तक 25 लाख रुपिया के लागत ले सी.सी. रोड निरमाण काम के घोसन करिन। ओमन करहीबाजार अउ कोदवा के हायर सेकेंडरी स्कूल मन म भवन निरमाण के घोसन घलो करिन।
मुख्यमंत्री ह गांव विटकुली म 20 लाख रुपिया के लागत ले मांगलिक भवन निरमाण तथा ग्राम पंचायत कोठमी, मोपका, कोनी, बोरसी, कोदवा, पाटन अउ रामपुर म 10-10 लाख रुपिया के लागत ले सी.सी. रोड निरमाण काम मन के घोसन करिन।
ए मउका म मुख्यमंत्री ह माँ महामाया मंदिर पहुंच के पूजा-अर्चना करिन अउ इहां के माईलोगन मन के स्व-सहायता समूह ले भेंट करके ओमन के काम मन के सराहना करिन। ओमन आयुष्मान आरोग्य मंदिर पहुंच के लइका जम्मे माई मन (धात्री माताओं) ला किट बांटिन अउ अलग-अलग बिभाग कोती ले लगाय हितग्राहीमूलक स्टॉल मन के देख-रेख करके योजना मन के लाभ उठावइया मन ले गोठ-बात करिन।
मुख्यमंत्री ह फुटबॉल खिलाड़ी मन ले मिलके ओमन के उसाह बढ़ाईन अउ ओमन के कहे म फुटबॉल ला किक घलो मारिन। ओमन “हम होंगे कामयाब 2.0” पोर्टल के सुरूआत घलो करिन। ग्रामीण मन ह मुख्यमंत्री के पारंपरिक खुमरी पहिराके मयारू स्वागत करिन।
कार्यक्रम के बीच म मुख्यमंत्री ह नवां जम्मे लइका मन ला अन्नप्राशन कराइन अउ रद्दा सुरक्षा (सड़क सुरक्षा) बर लोगन ला जागरूक करे के उदेस्य ले हेलमेट बांटिन। प्रधानमंत्री आवास योजना के हितग्राही श्रीमती राजकुमारी के गृह प्रवेश कार्यक्रम म सामिल होकर मुख्यमंत्री ह भगवान गणेश के मूरति भेंट करिन अउ परिवार के सुख-समृद्धि के कामना करिन।
मुख्यमंत्री ह “मोर गांव मोर पानी अभियान 2.0” के अंतर्गत सोखता पिट निरमाण म सरमदान करके पानी बचाव (जल संरक्षण) के संदेस दिहिन। ए दउरान ओमन पानी संजोय के छेत्र म काम करइया जल संचयन दीदी बेबी सेन अउ श्रीमती अम्बे मानिकपुरी ले गोठ-बात करके ओमन के कोसिस मन के सरहाना करिन।
समाधान सिविर म हितग्राही मन ह सासन के योजना मन ले मिले लाभ ला बांटिन। नंद कुमार ध्रुव ह बतईस कि सुशासन तिहार के दउरान मोटराइज्ड गाड़ी संबंधी समस्य के निरकरण बर दियय अरजी (आवेदन) के तुरते निरकरण होय हे, जेकर बर ओहा सासन-प्रसासन के आभार मानिस। दिलीप कुमार वर्मा ह बतईस कि स्वामित्व पट्टा योजना के तहत भुइँया मिले ले ओला घर बनाय म सुबिधा मिले हे।
अनीता निषाद ह प्रधानमंत्री आवास योजना के तहत पक्का घर मिले म खुसी जतावत कहीस कि पहिली ओला कच्चा घर के सेती अड़कच्चा परिस्थिति मन के सामना करे बर परत रहिस, पर अब ओला सुरक्षित घर मिल गे हे। ओही कोती पिंकी बंजारे ह महतारी वंदन योजना के अंतर्गत मिले आर्थिक सहायता बर मुख्यमंत्री ला धनबाद देवत कहीस कि ए योजना ह माईलोगन मन ला आर्थिक रूप ले मजबूत बनावत हे।
