ग्राम लालाकापा के प्रभा ला मिलीस सुरक्षित अउ मजबूत पक्का घर
रायपुर, मनखे के जिनगी मा एक ठन सपना जरूर रहिथे कि ओकर खुद के एक आशियाना (घर) होवय, जिहाँ वो ह सुकुन के नींद सो सके। प्रधानमंत्री आवास योजना ले आम जनता के पक्के घर के सपना पूरा होवत हे, जेकर से ओमन ला अपन सपनो के घर मिलत हे। ये कड़ी मा मुंगेली विकासखण्ड के ग्राम लालाकापा के रहइया प्रभा के पक्के मकान के सपना साकार होय हे। ओला अब सुरक्षित अउ मजबूत पक्का घर मिल गे हे।
प्रभा ह बताइस कि ओकर तीर पहिली खुद के पक्का घर नहीं रहिस। वो ह एक ठन जर्जर कच्चा झोपड़ी मा रहय, जिहाँ बरसात मा पानी टपकय अउ जाड़ (सर्दियों) मा ठिठुरन ले बचना मुसकिल हो जाय।
गाँव मा जब गरीब परिवार ला घर देय बर सरकारी योजना के तहत आवेदन सुरु होइस, तब प्रभा ह घलो उम्मीद के संग फार्म भरिस। ओकर गरीबी अउ असली हालत ला देखत हुए ओकर चयन हो गे। कछू दिन बाद सरकार डाहर ले ओला प्रधानमंत्री आवास योजना (ग्रामीण) के तहत 1 लाख 20 हजार रुपिया के मंजूरी मिलीस। ये मदद ले प्रभा के बछर पुराना सपना पूरा होइस अउ ओला एक मजबूत पक्का घर मिल गे।
अब ओकर तीर अइसन घर हे, जिहाँ वो ह अपन परिवार के संग मान-सम्मान अउ सुरक्षा के साथ जिनगी गुजारत हे। नवा घर मिले के बाद प्रभा के आत्मविश्वास अउ बढ़ गे हे। ओ ह ये बढ़िया योजना बर सरकार ला धन्यवाद दीन हे।
