ये सम्मान लगातार सुधार के दिसा मा करे जात कोसिस के फल आय: स्वास्थ्य मंत्री श्याम बिहारी जायसवाल
रायपुर. भारत सरकार के राष्ट्रीय स्वास्थ्य प्राधिकरण कोति ले 17 अउ 18 अप्रैल 2026 के पुणे (महाराष्ट्र) मा रखे गे ‘चिंतन शिविर’ मा देस के जम्मो राज्य ला योजना ला बढ़िया ढंग ले चलाय बर न्योता दिय गे रहिस। ए मउका मा छत्तीसगढ़ राज्य ला योजना के प्रभावी संचालन, मजबूत प्रशासनिक व्यवस्था अउ आर-पार दिखने वाला (पारदर्शी) क्लेम प्रबंधन प्रणाली मा बढ़िया प्रदर्शन बर राष्ट्रीय स्तर मा दू ठन बड़े पुरस्कार ले सम्मानित करे गिस।
छत्तीसगढ़ ला ‘Best Performing Large State’ (बढ़िया काम करने वाला बड़े राज्य) के रूप मा ये श्रेणी मा चुने गे हे—
1. हाई ट्रिगर एफिकेसी (High Trigger Efficacy)
ए श्रेणी मा राज्य ह संका वाले क्लेम (संदिग्ध दावा) के पहिचान अउ ओखर अछ्छा ले जांच-परख करे मा भारी होसियारी देखाय हे। आधुनिक आईटी सिस्टम अउ मजबूत ऑडिट व्यवस्था के जरिए कोनो भी किसम के गड़बड़ी के तुरते पहिचान ला पक्का करे गे हे।
2. टाइमली प्रोसेसिंग ऑफ सस्पेसियस क्लेम्स (Timely Processing of Suspicious Claims)
ए श्रेणी मा राज्य ह संका वाले दावा के तुरते निपटारा करे मा बढ़िया प्रदर्शन करे हे। तय समय के भीतर क्लेम के जांच, फैसला अउ काम ला पूरा करके पारदर्शिता अउ जवाबदेही ला मजबूत करे गे हे।
राज्य मा क्लेम ऑडिट व्यवस्था ला मजबूत बनाए, ट्रिगर वाले निगरानी सिस्टम ला कड़ाई ले लागू करे अउ अस्पताल के संग बने तालमेल के सेती संका वाले मामला के निपटारा मा बड़े सुधार देखे ला मिले हे। एखर ले क्लेम प्रोसेसिंग के गुन (Quality) ह बाढ़े हे अउ फालतू के देरी मा कमी आई हे, जेखर से योजना के लाभ लेइया ला सही समय मा अउ बढ़िया स्वास्थ्य सेवा मिल पावत हे।
स्वास्थ्य मंत्री श्याम बिहारी जायसवाल ह प्रदेश ला मिले ए बड़े उपलब्धि ऊपर खुसी जतावत कहिन कि “ये सम्मान छत्तीसगढ़ के स्वास्थ्य व्यवस्था के लगन, आर-पार काम (पारदर्शिता) अउ लगातार सुधार के दिसा मा करे जात कोसिस के फल आय। आयुष्मान भारत योजना के माध्यम ले हमन प्रदेश के आखिरी मनखे तक बढ़िया अउ मुफ्त स्वास्थ्य सेवा पहुँचाए बर संकल्प ले हन। ये पुरस्कार हमर स्वास्थ्य करमचारी मन, प्रशासनिक टीम अउ संगी संस्था के मिल-जुल के करे मेहनत के नतीजा आय। हमन आगू घलो अइसने बने काम करत जनसेवा ला सबले ऊपर राखबो।”
