रायपुर। मुख्यमंत्री विष्णु देव साय ह छत्तीसगढ़ के महिला उद्यमिता, नेतृत्व अउ नवाचार के प्रेरक यात्रा मन ला समर्पित कॉफी टेबल बुक ‘ADHYAY – The Women Who Lead’ ला रायपुर के श्रीराम बिज़नेस पार्क मं आयोजित कॉस्मो एक्सपो के दौरान जारी करे हवंय। कार्यक्रम मं सांसद बृजमोहन अग्रवाल, सेवानिवृत्त आईएफएस अधिकारी राकेश चतुर्वेदी, कॉस्मो अउ रोटरी के अधिकारी मन संग कई मान्यवर अतिथि मन शामिल रिहिन।
ये खास प्रकाशन छत्तीसगढ़ राज्य के 25 साल पूरा होए के अवसर मं तैयार करे गे हवय, झेन मं राज्य के प्रगति, आर्थिक सशक्तिकरण अउ सामाजिक बदलाव मं योगदान देय 25 महिला उद्यमी मन के जीवन यात्रा ला संजोए गे हवय। संपादक उचित शर्मा अउ ओकर टीम एला संपादित करे हवय।
कार्यक्रम के दौरान किताब मं सामिल सबो महिला उद्यमियन ला मुख्यमंत्री विष्णु देव साय मन सम्मानित करे। ये सम्मान उनकर हिम्मत, नेतृत्त्व, नवाचार अउ उद्यमशील योगदान बर दिये गेय राहय। मुख्यमंत्री विष्णु देव साय ए अवसर मं ADHYAY कॉफी टेबल बुक के सराहना करत कहिन के ये छत्तीसगढ़ के महिला ताकत, आत्मनिर्भरता अउ नेतृत्त्व के जीवंत गाथा आय, जऊन आवत पीढ़ी बर प्रेरणा के दस्तावेज बने। उ मन ए तरह के दस्तावेजीकरण ला महिला उद्यमिता बर प्रेरणादायी अउ मार्गदर्शक बताइस। ये किताब के मकसद ये हवय के ओ महिला मन ला मंच देय जऊन मन व्यवसाय, उद्योग, सेवा, नवाचार अउ सामाजिक उद्यमिता के छेत्र मं अपन अलग पहिचान बनाय हवंय अउ ये दिखावत हवय के छत्तीसगढ़ के महिला मन आज सिरिफ उद्यम नइ चला रहिन, बल्कि समाज अउ सोच ला नई दिशा देथें।