रायपुर। मुख्यमंत्री विष्णु देव साय के नेतृत्व म शासन के योजना के लाभ अब समाज के अंतिम व्यक्ति तक पहुँचत हे। जशपुर जिला के दुलदुला विकासखंड के ग्राम खटंगा के एक साधारण परिवार के कहानी एखर जीवंत उदाहरण हे, जिहाँ शासन के तीनों योजना ह एक संग उखर ज़िंदगी ल नवा दिशा दिन हे।
हितग्राही सुरेश राम के पत्नी सुमित्रा बाई बतात हे कि पहली हमन कच्चा घर म रहत रेहेन। बरसात हो या गर्मी, हमेशा डर बने रहत रीहिन। पानी टपकत रीहिस, दीवार गिरे के डर अउ रात-बिरात साँप, बिच्छू के डर अलग ले। लेकिन प्रधानमंत्री आवास योजना ले मिले पक्का घर अब हमर बर एक नवा दुनिया जइसे हे। अब न डर हे, न परेशानी, घर घलो साफ-सुथरा हे, अउ लइका मन ल पढ़े-लिखे के घलो अच्छा माहौल मिल गिस हे।
सुमित्रा बाई आगु बताथे कि प्रधानमंत्री उज्ज्वला योजना ले गैस सिलेंडर अउ चूल्हा मिले ले अब हम धुँआ ले मुक्ति मिलिस अउ खाना बना पात हे। पहली जंगल ले लकड़ी लाना पड़त रीहिन अउ आग जलाना तब बहुत मुश्किल रीहिन। आंखी म जलन होत रहिस अउ खासी अउ समय घलो ज़्यादा लगत रहिन। अब रसोई म आसानी ले खाना बन जाथे। ओमन आगु बतायिन कि, मोला मुख्यमंत्री महतारी वंदन योजना के तहत हर महीना 1000 रूपया मिलत हे। उही ले हम तेल, नमक, साबुन जइसे ज़रूरी सामान खरीद लेथन। कभु बेटी ल स्कूल बर कॉपी-किताब घलो लेना हो, त उही ले काम चल जाथे। उखर बेटी कुमारी संगीता बताथे कि, जब कच्चा घर रहिन, तब पढ़ाई घलो ठीक से नहीं कर पात रेहेन। बरसात के दिन बहुत दिक्कत होत रहिन। अब जब पक्का घर मिले हे, त मन लगथे। हमन अब बहुत खुश हन।” परिवार ह मुख्यमंत्री विष्णु देव साय के आभार जतायिन।