रायपुर। राष्ट्रीय ग्रामीण आजीविका मिशन बिहान योजना अउ इंडियन ओवरसीज़ बैंक शाखा कवर्धा ह ग्राम पंचायत भागुटोला म लोन कैम्प के आयोजन कलेक्टर गोपाल वर्मा अउ मुख्य कार्यपालन अधिकारी जिला पंचायत अजय कुमार त्रिपाठी के मार्गदर्शन म आज आयोजित करे गिस। कैम्प म विकासखंड स लोहारा अउ कवर्धा के स्व सहायता समूह के सदस्य मन ल लखपति परियोजना के तहत कुल 20 सदस्य मन ल 15 लाख रुपया के व्यक्तिगत ऋण स्वीकृत करे गिस। एखर संग 14 स्व सहायता ल 40 लाख 50 हज़ार रुपया के आतिरिक्त ऋण वितरण करे गिस। ऋण वितरण के बेर परियोजना अधिकारी विनोद अहीरवार, लेखा अधिकारी भानु प्रताप नेताम अउ ज़िला कार्यक्रम प्रबंधक एनआरएलएम जय कैवर्त्य प्रमुख रूप ले उपस्थित रहिन। ए बेर स्व सहायता समूह के सदस्य मन ल अधिक ले अधिक आजीविका गतिविधि के संचालन करत परिवार के आर्थिक स्थिति म सुधार के संग आजीविका संवर्धन अउ ग्रामीण अर्थव्यवस्था ल मजबूती दे बर महिला समूह के सदस्य मन ल प्रेरित करिन। लोन कैंप के बेर कुल 55 लाख 50 हजार रुपया के ऋण ग्रामीण महिला मन ल वितरित करिन।
लोन कैम्प के आयोजन म साधन संस्था के विशेष सहयोग रहिन। कार्यक्रम के बेर इंडियन ओवरसीज बैंक के शाखा प्रबंधक सुनील ह स्व सहायता समूह के सदस्य मन ल आश्वस्त करिन कि ग्रामीण महिला मन के उत्थान आजीविका संवर्धन अउ आत्मनिर्भर होए के दिशा म बैंक लगातार आर्थिक सहयोग बर तत्पर हे।
बता दन है कि आज के लोन कैंप में जय मां शीतला महिला स्व सहायता संग ग्राम मोहतरा ल 3 लाख रुपया कारण स्वीकृत करे गिस। अइसना ही आमीन माता महिला स्व सहायता समहू ग्राम कारेसरा ल 3 लाख 30 हजार रुपया के इंडियन ओवरसीज बैंक के माध्यम ले प्राप्त होइस। जय बुढादेव महिला स्व सहायता समहू ग्राम बगदई ल 3 लाख रुपया अउ नारी शक्ति महिला स्व सहायता समहू ग्राम खैरझिटी ल 4 लाख रुपया के लोन स्वीकृत करत 3 लाख 50 हजार रुपया के चेक वितरण करे गिस।
