रायपुर। छत्तीसगढ़ी सिनेमा के चर्चित निर्देशक अउ निर्माता सतीश जैन एक बार फेर दर्शक मन के दिल ल छूए बर आत हे। उखर बहुप्रतीक्षित फिल्म ‘झन भूलो मां बाप 2‘ के रिलीज डेट घोषित कर दे गे हे। फिल्म 1 मई 2026 के रायपुर के प्रभात सिनेमा सहित प्रदेशभर के लगभग 70 सिनेमाघर म एक संघरा रिलीज होहि।
एला लेके निर्माता सतीश जैन ह बतायिन कि फिल्म के स्क्रिप्ट म काम चलत हे अउ बहुत जल्द एखर स्टारकास्ट के आधिकारिक घोषणा करे जाहि। फिल्म के पहिला भाग ‘झन भूलो मां बाप ल‘ वर्ष 2002 म आए रीहिन। हालांकि शुरुआत म फिल्म ल उम्मीद के मुताबिक ओपनिंग नई मिले रीहिन, लेकिन भिलाई अउ बिलासपुर जइसे शहर म एहा 100 दिन के रिकॉर्ड रन पूरा करे रीहिन। 1 मई के रिलीज डेट के पीछे के सोच साझा करत सतीश जैन ह कहिन 1 मई मजदूर दिवस हे अउ में खुद ल एक मजदूर मानत हों। पसीना बहाके मेहनत करत हों, एखर सेती ए तारीख मोर दिल के करीब हे।