अशोक पटेल "आशु", तुस्मा, शिवरीनारायण(छ ग)
छत्तीसगढ़ के पावन भूईंया,
अशोक पटेल “आशु”, तुस्मा, शिवरीनारायण(छ ग)
जेमा देव-धामी के डेरा हे
महामाई जिहाँ शीतला बिराजे,
जेमा ठाकुर-देवा के बसेरा हे।
दया-धर्म, कला-संस्कृति के,
जिहाँ राम-कथा के चौरा हे,
अइसे जिहाँ देवी-दाई बिराजे
जेकर सेवा म जवांरा-पचरा हे।
इही भुईंया हर तीरथ बरोबर
इहिच म बसे चारो धाम हे
इहें बहे पुण्य पतीत-पावनी
दाई चित्रोत्पल्ला गंगा नाम हे।
जुग-जुग ले इहाँ धार बोहावय
जेकर लहरा हर यशगान करे हे
इहाँ के प्राचीन देव-देवाला ह
कला-संस्कृति के बखान करे हे।
ए माटी हर हमर धरोहर आए
पुरखा हमर ऋषि संत-बानी हे
गुरु-चेला जिहाँ महाप्रसाद के
मोक्ष-दुवार के अमर-कहानी हे।