रायपुर। राज्य शासन के महिला बाल विकास विभाग के संचालित मुख्यमंत्री कन्या विवाह योजना के तहत काली कोंडागांव जिला के विकासखंड माकड़ी के मड़ी प्रांगण म सामूहिक विवाह कार्यक्रम के आयोजन करे गिस। ए कार्यक्रम म 48 जोड़े परिणय सूत्र म बंधकर दाम्पत्य जीवन के शुरूआत करिन।
कार्यक्रम म प्रदेश के वाणिज्य, उद्योग अउ श्रम मंत्री अउ जिला के प्रभारी मंत्री लखन लाल देवांगन अउ बस्तर विकास प्राधिकरण के उपाध्यक्ष अउ कोंडागांव विधायक लता उसेंडी अउ अन्य जनप्रतिनिधि मन ह नवविवाहित जोड़ा ल आशीर्वाद दिन।
प्रभारी मंत्री देवांगन ह कार्यक्रम ल संबोधित करत कहिन कि पूर्व मुख्यमंत्री डॉ. रमन सिंह ह राज्य म गरीब परिवार मन बर एक रुपया म चावल अउ नमक फ्री म उपलब्ध करायिन। किसान मन ल ब्याज मुक्त ऋण देय गिस। ए तरह ले कतको जनकल्याणकारी योजना शुरू करे गिस। जेखर ले लोगन मन के आर्थिक स्थिति मज़बूत होइस। सुशासन तिहार के जिक्र करत कहिन कि आदिवासी किसान के बेटा ह जम्मों झन के हित म केंद्र अउ राज्य के जनकल्याणकारी योजना ल अंतिम व्यक्ति तक पहुंचाए बर सुशासन तिहार शुरू करिन। जेमा हिस्सा लेके आप जम्मों झन लाभ लें अउ शासन के निर्देश म जिला के अधिकारी आप तक पहुंचाथे। आप लोगन मन के समस्या के समाधान बर प्रभारी मंत्री ह मुख्यमंत्री विष्णु देव साय के दूरदर्शी विजन के जिक्र करत कहिन कि हमर मुख्यमंत्री के शासन म लगातार महिला बाल विकास विभाग के ओर ले गरीब परिवार मन के बेटि मन के पंजीयन करके उखर विवाह कर साथ म आर्थिक सहायता घलो देय जात हे।
बस्तर विकास प्राधिकरण के उपाध्यक्ष अउ कोंडागांव विधायक लता उसेंडी ह नवदंपत्ति मन ल शुभकामना देवत कहिन कि पहली गरीब परिवार मन के बेटि मन के शादी के चिंता रहत रीहिन, लेकिन अब मुख्यमंत्री कन्या विवाह योजना ले बिना कोनो कर्ज के शादी ले परिजन मन ल बड़ राहत मिलत हे। पूर्व विधायक सेवकराम नेताम ह घलो कार्यक्रम ल संबोधित करत जम्मों नवविवाहित मन ल बधाई दिन अउ उखर उज्जवल भविष्य के कामना करिन।
