नवा रायपुर मं बनही संयुक्त शासकीय भवन, रायपुर ला मिलही नवा पानी सोधन संयंत्र अउ दउड़ही ई-बस मन
रायपुर, छत्तीसगढ़ मं विकास के काम अउ सहर के अधोसंरचना ला मजबूत करे बर एक बड़े कदम उठाय गे हे। मंत्रालय (महानदी भवन) मं आज मुख्य सचिव विकासशील के अध्यक्षता मं परियोजना निर्माण अउ क्रियान्वयन समिति के एक उच्च स्तरीय बइठक रखे गीस। इही बइठक मं परदेस के विकास ले जुड़े कतको बड़े प्रोजेक्ट अउ नवा अधोसंरचना के सुझाव मनके प्रस्तुतिकरण करे गीस, जेकर ले आने वाला समे मं नवा रायपुर अउ मुख्य सहर के सूरत बदल जाही।
नवा रायपुर मं 302.67 करोड़ रूपया के लागत ले नवा आफिस अउ सरकारी भवन बनही
महानदी भवन अउ इंद्रावती भवन मं बने मल्टी लेवल पार्किंग के दूसर अउ तीसर तल मं आधुनिक आफिस मनके निर्माण करे जाही। ए प्रोजेक्ट के अनुमानित लागत करीब 131 करोड़ 17 लाख रुपये हे। नवा रायपुर के सेक्टर-24 मं एक बड़े संयुक्त शासकीय भवन के निर्माण करे जाही। ए परियोजना मं 171 करोड़ 50 लाख रुपये के लागत के अनुमान हे, जेकर ऊपर बइठक मं बिस्तार ले गोठ-बात होय हे।
नवा रायपुर बर 223.04 करोड़ रूपया के लागत ले 43 आधुनिक ई-बस मन
अम जनता अउ करमचारी मनके सुबिधा बर नवा रायपुर अटल नगर विकास प्राधिकरण के अंतर्गत 43 नवा ई-बस मन चलाय जाही। एमा 40 कप्लाएंट बैटरी ऑपरेटेड अउ 9 मोटर एसी ई-बस सामिल रहिही। ए पूरा प्रोजेक्ट के डिजाइन, सप्लाई, परिचालन अउ संधारण (रखरखाव) के लागत 223 करोड़ 4 लाख रुपये होही। ए बस मन नवा रायपुर आय-जाय वाले मनखे मन बर अलग-अलग रूट मं चलाय जाही।
रायपुर मं 186.14 करोड़ रूपया के लागत ले नवा वाटर ट्रीटमेंट प्लांट
मुख्यमंत्री नगरोत्थान योजना के तहत रायपुर सहर के पीये के पानी के ब्यवस्था ला अउ सुधारे जाही। एकर अंतर्गत 150 एमएलडी (MLD) क्षमता के एक नवा अउ आधुनिक पानी सोधन संयंत्र (Water Treatment Plant) के निर्माण करे जाही, जेकर कुल लागत 186 करोड़ 14 लाख रुपये रखे गे हे।
बइठक मं सामिल अधिकारी:
बइठक मं बित्त बिभाग के सचिव डॉ. रोहित यादव, सूचना प्रौद्योगिकी अउ आवास एवं पइआबरन (पर्यावरण) बिभाग के सचिव अंकित आनंद, मुख्यमंत्री के सचिव अउ लोक निर्माण बिभाग के सचिव मुकेश कुमार बंसल, नगरीय प्रशासन एवं विकास बिभाग के सचिव सुश्री आर. शंगीता अउ एनआरडीए (NRDA) के सीईओ चंदन कुमार बिसेस रूप ले उपस्थित रहिन। एकर अलावा बन एवं जलबायु, खेती-किसानी (कृषि), पंचायत एवं ग्रामीण विकास, जल संसाधन अउ लोक स्वास्थ्य यांत्रिकी (PHE) बिभाग के बड़े अधिकारी मन घलो बइठक मं सामिल होइन।
