ड्रोन निगरानी ले अवैध खनन ऊपर होइस कड़ा प्रहार
हाई-रिज़ॉल्यूशन कैमरा, नाइट विजन अउ एआई प्रणाली ले लैस ड्रोन ले होवत हे बड़े अउ सटीक निगरानी
ड्रोन तकनीक ह बढ़ा दीस कार्रवाई के गति अउ सटीकता
ड्रोन के मदद ले कांकेर जिला मा होइस बड़े कार्रवाई, पोकलेन मशीन अउ हाईवा जप्त
रायपुर . मुख्यमंत्री विष्णु देव साय के नेतृत्व मा छत्तीसगढ़ सरकार ह अवैध खनन अउ खनिज मन के अवैध परिवहन ऊपर लगाम कसे बर तकनीक अउ नवाचार के सहारा लेवत एक बड़े अउ निर्णायक पहल करे हे। एही कड़ी मा अब खनन क्षेत्र मा ड्रोन ले निगरानी के शुरुआत कर दे गे हे, जउन ह राज्य मा कानून व्यवस्था, खनिज संसाधन के सुरक्षा अउ राजस्व संरक्षण के कोति मा एकड़ बड़े कदम साबित होवत हे।
राज्य सरकार के साफ मंशा हे कि कहुं भी किसम के अवैध गतिविधि ला जड़ ले खतम करे जाय। आधुनिक तकनीक के उपयोग ले अब खनन क्षेत्र मा रियल टाइम निगरानी संभव हो पाही, जेकर ले अवैध उत्खनन, परिवहन अउ ओकर ले जुड़े काम ऊपर तुरंते कार्रवाई करे जा सकही। ए कदम ह न केवल राजस्व के नुकसान ला रोकही, बल्कि अवैध कारोबार मा लगे मनखे मन बर कड़ा संदेश घलो साबित होही। खनिज विभाग के मैदानी अमला ह पहिली ले ही अवैध खनन के खिलाफ बढ़िया कार्रवाई करत रिहिस, फेर अब ड्रोन तकनीक के जुड़े ले ए कार्रवाई के गति अउ सटीकता दूनों बढ़ जाही। ड्रोन ले लगभग 5 किलोमीटर तक के रेंज अउ 120 मीटर तक ऊंचाई ले निगरानी के ताकत के सेती बड़े अउ अड़बड़ दुर्गम इलाका मन मा घलो पैनी नजर रखे जावत हे। ड्रोन के माध्यम ले संदेही काम मन के तुरंते पहचान करके मउका मा कार्रवाई करे जा सकही, जेकर ले अवैध काम मा लगे मनखे मन के बाच के निकले के संभावना लगभग खतम हो जाही।
खनिज विभाग के अधिकारी के मुताबिक, ड्रोन मा उच्च-रिज़ॉल्यूशन कैमरा, नाइट विजन अउ एआई आधारित विश्लेषण प्रणाली जइसन आधुनिक सुविधा मौजूद हे, जउन ह बड़े अउ सटीक निगरानी सुनिश्चित करथे। एखर जरिए बड़े अउ दुर्गम खनन क्षेत्र मन मा घलो आसानी ले नजर रखे जा सकथे।
ए पहल ह साफ संकेत देथे कि राज्य सरकार अवैध खनन के खिलाफ ‘जीरो टॉलरेंस’ के नीति ऊपर काम करत हे। सरकार के ए साहसिक फैसला ह न केवल कानून के सख्ती ले पालन सुनिश्चित करही, बल्कि खनिज संसाधन के बचाव अउ पारदर्शी राजस्व व्यवस्था ला घलो मजबूत करही। ड्रोन निगरानी के ए नवा व्यवस्था ह राज्य मा सुशासन अउ तकनीकी नवाचार के मजबूत उदाहरण बनके आगू आवत हे।
एही कड़ी मा 29 अप्रैल 2026 के जिला कांकेर के तहकापार रेत खदान क्षेत्र मा ड्रोन तकनीक के उपयोग करत सघन निगरानी अउ छापामार कार्रवाई करे गिस। कार्रवाई के बखत अवैध उत्खनन अउ परिवहन मा लगे गाड़ी अउ मशीन मन के पहचान करे गिस। ड्रोन निगरानी सुरु होते ही अवैध काम मा लगे लोगन मन अपन गाड़ी ला छोड़के मउका ले फरार हो गिन।
एखर बाद केंद्रीय उड़नदस्ता दल अउ कलेक्टर (खनिज शाखा) के निर्देशन मा कार्रवाई करत महानदी के तीर भूईगांव के सीमा मा विशेष अभियान चलाके एक ठन चेन माउंटेन पोकलेन मशीन जेसीबी (215 एलसी) अउ एक ठन हाईवा (नंबर CG08AV0975) ला जप्त करे गिस।