रायपुर.सहीद महेंद्र कर्मा विश्वविद्यालय, बस्तर में आयोजित “इनोवेशन महाकुंभ 1.0” कारयक्रम के दौरान छत्तीसगढ़ के वित्त मंत्री ओपी चौधरी ह परदेस के युवा मन के संग जेवन करिन अउ मयारू गोठ-बात करिन। ए मौका में ओमन कहिन कि युवा मन के संग जेवन के आनंद लेवत अलग-अलग विसय ऊपर चरचा करना एक सुग्घर अनुभव रहिस। सहभोज के दौरान शिक्षा, नवाचार (नवा प्रयोग), करियर के संभवाना अउ राज के विकास में युवा मन के भूमिका जइसन मुद्दा ऊपर विस्तार ले गोठ-बात होइस।
वित्त मंत्री ह युवा मन के विचार अउ ओखर नवा प्रयोग के बखान करत कहिन कि परदेस के युवा वर्ग ह ऊर्जा, प्रतिभा अउ नवा सोच ले भरे हे, जे ह छत्तीसगढ़ ला विकास के नवा ऊँचाई तक ले जाय में सक्षम हे। कारयक्रम में आय युवा मन घलो अपन अनुभव बताइन अउ सरकार के ए पहल के सराहना करिन। अइसन गोठ-बात ह युवा मन ला उत्साहित करे अउ ओखर आतमबिसवास ला बढ़ाए में बड़े भूमिका निभाथे।