रायपुर। मुख्यमंत्री विष्णुदेव साय ह आज नई दिल्ली म राष्ट्रपति द्रौपदी मुर्मू ले सउजन्य भेंट करिन। ए अवसर म मुख्यमंत्री साय ह राष्ट्रपति द्रौपदी मुर्मू ला छत्तीसगढ़ म होय वाले राज्यस्तरीय जनजातीय सांस्कृतिक महोत्सव ‘बस्तर पंडुम 2026’ म मुख्य अतिथि के रूप म सामिल होय बर निमंत्रण देहिन। मुख्यमंत्री साय ह राष्ट्रपति ला बस्तर अंचल के समृद्ध जनजातीय कला, संस्कृति, परंपरा अउ लोक जीवन ले परिचित करावत कहिन के बस्तर पंडुम राज्य के जनजातीय विरासत के संरक्षण, संवर्धन अउ राष्ट्रीय-अंतरराष्ट्रीय स्तर म प्रचार करे के एक महत्वपूरण प्रयास ए। ए आयोजन तीन चरण म होही, जेन के अंतिम चरण फरवरी 2026 म बस्तर म संपन्न होही।
ए अवसर म मुख्यमंत्री साय ह राष्ट्रपति ला छत्तीसगढ़ सरकार द्वारा जनजातीय क्षेत्र मन के समग्र विकास, पढ़ई-लिखई, स्वास्थ्य, रोजी-रोटी, बुनियादी ढांचा के बढ़ोत्तरी अऊ जनकल्याणकारी योजना मन के प्रगति ले घलोक परिचित कराइन। उहां कहिन कि राज्य सरकार जनजातीय समाज ला विकास के मुख्य धारा संग जोडत हुए ओकर सांस्कृतिक पहचान ला सुरक्षित रखे खातिर लगातार काम करत हे। राष्ट्रपति द्रौपदी मुर्मु ह जनजातीय संस्कृति ले जुड़े ए आयोजन के सराहना करत बस्तर पंडुम 2026 के सफल आयोजन बर शुभकामना देंय। उल्लेखनीय ए कि बस्तर पंडुम 2026 के माध्यम ले लोकनृत्य, लोकगीत, पारंपरिक वाद्ययंत्र, हस्तशिल्प, जनजातीय भोजन, पहिरावा समेत कई तरह के सांस्कृतिक विधा के प्रदर्शन कराय जाही।
